Menu

Vienres 22 de xunu en Xixón

La Oficina de la Eurodiputada Ángela Vallina y el Grupu Municipal d'IX nel Conceyu de Xixón entamaron pal próximu vienres, 22 de xunu, una xornada sobro “Esperiencies de Movilidá Sostenible n'Europa. Barcelona”, una actividá al filo del alderique abiertu n'Asturies pa la constitución de l’área

L'oxetivu ye dar a conocer esperiencies, directrices y proyectos de movilidá sostenible desenvueltos en distintes ciudaes europees, al traviés d'una serie de xornaes y alcuentros con persones espertes y responsables públicos yá que, ello ye que en conceyos como Xixón y Uviéu tán, anguaño, diseñando los sos nuevos planes de movilidá, coles mesmes que tamién l’área metropolitana Central d'Asturies ta dando los primeros pasos nel so diseñu y constitución.

La primer xornada de la serie, que va tener llugar el vienres 22 de xunu en Xixón, va analizar la esperiencia de Barcelona y la so área metropolitana con dos ponencies al cargu d'Álvaro Nicolás Loscos, Xefe de Gabinete de la Conceyalía de Movilidá del Conceyu de Barcelona, y Javier Ortigosa Marín, Inxenieru del Serviciu de Redacción del Plan Director Urbanísticu de la Área Metropolitana de Barcelona.

La xornada consta de dos sesiones, una de mañana empobinada a conceyales y personal técnico, y otra de tarde, especialmente pensada pa facilitar un espaciu d'alcuentru y alderique coles entidaes que componen el Foru de la Movilidá de Xixón y cola ciudadanía.

L'alcuentru va tener llugar el vienres, 22 de xunu, a partir de les 17.00 hores nel Paraninfu del Centru Municipal Integráu d'El Cotu (Plaza de la República, s/n).