Menu

Ovidio Zapico considera que se perdió un añu pa un saléu ordenáu, sostenible y exemplar

Ovidio Zapico, diputáu d'IX na Xunta Xeneral, llamentó esta mañana nel Parlamentu autonómicu que l'Executivu de Javier Fernández nun fixera nada mientres l'últimu añu pa encarar los problemes de masificación de canoes del ríu Sella mientres el branu, tal como asocedió l'añu pasáu, masificación que causa una mala imaxe al turismu. El diputáu d'IX alvirtió de que se perdió un añu pa dar soluciones al saléu del ríu Sella d'una forma que sía “ordenada, sostenible y exemplar”.

Fernando Lastra, conseyeru d'Infraestructures reconoció'l problema y les sos competencies en materia de medioambiente, nun nes de navegabilidá que son mesmes de la Confederación Hidrográfica. Zapico demandó, de nuevu, la constitución d'una mesa de trabayu onde tean presentes dambes alministraciones, amás de la local, al pie de los axentes sociales afectaos. De la mesma, demandó que col nuevu Gobiernu del PSOE, que va tener que realizar el nomamientu del presidente de la Confederación Hidrográfica, haya un entendimientu rápidu y pueda retomase, lo más aína, esa mesa pa dar soluciones al saléu del ríu Sella de forma ordenada, sostenible y exemplar.

Pela so parte, el Conseyeru esplicó que la Confederación Hidrográfica autoriza toes los pidimientos de demanda d'operadores nel ríu que se realicen con un pidimientu de declaración responsable. Tamién que, acordies coles sociedaes de pescadores, la Conseyería de Mediu Ambiente, pa protexer a los salmones, encamentó a la Confederación a prohibir el saléu ente avientu y xineru, cuestión que yá ta vixente.

Sía que non, Lastra esplicó que'l Gobiernu va siguir nel intentu de faer un descensu de canoes más ordenáu, asumiendo la problemática, pa ver si llogramos que sía más ordenáu y sostenible, ensin causar problemes onde nun los hai”.