El voceru d’IX Asturies na Xunta Xeneral del Principáu, Gaspar Llamazares, destacó güei que "hai blimes" pa llegar a alcuerdos amplios na defensa d'un modelu de transición enerxética que dexe'l caltenimientu de la minería más allá de 2018, y pal caltenimientu de les térmiques frente al anunciu de zarros inmediatos que pretenden delles compañíes.
Trátase, a xuiciu de Llamazares, de llograr una descarbonización pautada que dexe'l cumplimientu de los alcuerdos de París pero teniendo en cuenta la realidá territorial y social d'Asturies y del futuru de la so industria.
El diputáu realizó estes declaraciones tres l'intensu plenu monográficu dedicáu pol Parlamentu d'Asturies a la transición enerxética. "El grupu parlamentariu d’IX Asturies provocó un alderique imprescindible nun momentu bien importante pal futuru del sector mineru, de la enerxía y del sector industrial" enfatizó Llamazares, que reclamó al Gobiernu, una vegada más, que lidere un procesu que dexe texer aliances con otros territorios como Aragón o Castiella y Llión, pero tamién sociales, políticos y sindicales.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
