Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

08/08/2018

IX pidi al Gobiernu de Pedro Sánchez que caltenga la escepcionalidá para esparder purinos nel campu asturiano

María José Miranda demanda a la Delegada del Gobiernu la continuidá de la midida yá que de lo contrario supondría'l fin de les esplotaciones

María José Miranda, diputada d'IX na Xunta Xeneral, demandó esta mañana a la Delegada del Gobiernu, Delia Losa, que tresllade al Gobiernu de Pedro Sánchez la necesidá de prorrogar la escepcionalidá d'inyectar y soterrar los purinos y el cuchu que nel campu asturiano remata'l 31 d'avientu d'anguaño. Miranda y el tamién diputáu d'IX, Ovidio Zapico, axuntáronse esta mañana cola Delegada del Gobiernu, Delia Losa, pa explicitar esta y otres esmoliciones del grupu parlamentariu d'IX na Xunta Xeneral sobro la transición enerxética.

Miranda esplicó qu'IX -y pidió a Losa que fale col Gobiernu por qu’esa escepcionalidá qu'agora esiste hasta fin d'añu amplíese “porque nin el tipu de ganadería nin la orografía nin la climatoloxía ye compatible colo que pretende faese al traviés d'esi decretu, porque sería'l fin del sector primariu n'Asturies col zarru d'esplotaciones”. Ye más, la diputada d'IX considera que si Cataluña y Murcia que tienen grandes granxes y estensiones, sobremanera de porcín, que sí xeneren emisiones, consiguieron esa escepcionalidá xenérica col anterior Gobiernu, Asturies y la Cornisa Cantábrica tienen de tenela pa “garantizar les nueses esplotaciones”.

Según la información que tien IX n'Asturies la Ministra Tejerina antes de salir del Gobiernu dexaría un decretu robláu que nun garantiza la continuidá de la mentada escepcionalidá, que tien fin, nestos momentos el 31 d'avientu. De llevantase la escepcionalidá n'Asturies quedaría prohibío esparder cuchu y purinos p'abonar y na práctica significaría tener qu'inyectalos o soterralos nel terrén pa evitar les emisiones d'amoniacu, midida qu'escuerre la UE so l'amenaza de que quien nun cumpla nun va recibir subvenciones de la Unión Europea.

Volver

Compartir

2014 Izquierda Xunida d'Asturies - Política de privacidad - Política de cookies