La invasión de la cortaderia, enfatizó Zapico, “ye una de les mayores problemátiques en materia medioambiental qu'ensin dulda tenemos non solo n'Asturies sinón na cornisa cantábrica“.
El diputáu d'izquierda xunida Ovidio Zapico reclamo güei recursos abondos pa próximos años destinaos a la erradicación del plumeru de la pampa, y la cooperación col restu de territorios del norte peninsular y l'Alministración Central. El parllamentariu, acompañáu pola tamién diputada y vicepresidenta primera de la Xunta Xeneral del Principáu, María José Miranda, visitaron esta mañana espacios nos que se ta dando en esaniciar esta planta invasora, nel conceyu de Cuideiru.
Zapico y Miranda interesáronse polos trabayos qu'executa la empresa TRAGSA Y que ta suponiendo en delles ocasiones una especial atención, según esplicaron l'encargáu de la compañía y el so xerente, Daniel Menéndez y Joaquín Moya, yá que n'ocasiones la planta tremase n'espacios de mal accesu o ente carbes que torguen detectala si nun ye in situ.
La invasión de la cortaderia, enfatizó Zapico, “ye una de les mayores problemátiques en materia medioambiental qu'ensin dulda tenemos non solo n'Asturies sinón na cornisa cantábrica“.
El diputáu d'izquierda xunida aseguró que ye imprescindible pa los próximos años cuntar con recursos económicos que dexen siguir col procesu de radicación d’esta planta alóctona. Nesti sentíu, reclamó'l compromisu de toles fuerces por qu'Asturies disponga d'un presupuestu qu'incluya partíes abondes n'años vinientes. Amás, apuntó, ye imprescindible que'l Principáu coordine col restu de comunidaes autónomes y col Gobiernu central que, al so xuiciu, tien que cooperar con recursos económicos y tamién como titular de grandes espacios onde ye necesario actuar, como seríen terrenales del ADIF o de la rede Nacional de carreteres del Estáu.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies