Menu

Los diputaos María José Miranda y Ovidio Zapico y la secretaria de Política Municipal, Gabriela Álvarez, visitaron ayeri'l conceyu compañados pola conceyala Alaznd Ceñal

IX reclamó ayeri midíes en Bimenes pa solucionar los defectos nel Colexu Públicu Martimporra, derivaes pol deterioru de dellos elementos del edificiu; amás reclamaron midíes pa resolver  los problemes derivaos d'un argayu na carretera de  La Riba-Les Vallines  y que ta poniendo en peligru la estabilidá del terrén y de delles construcciones. Los diputaos de la formación María José Mirada y Ovidio Zapico, y la secretaria de Política Municipal visitaron ayeri esi conceyu nel que s'axuntaron cola conceyala d'IX en Bimenes y responsable d'Urbanismu ya Infraestructures, Alazne Ceñal, y col acalde del conceyu, Aitor García Ponte (PAS).
 
L'oxetivu yera conocer, in situ, les necesidaes del conceyu. Alarzne Ceñal esplicó qu'unu de los problemes más acuciosos ye consecuencia del argayu que ta viendo retrasáu so igua a pesar de qu'él mesmu afectó a delles edificaciones y a la mesma carretera.
 
Al respective de los daños nel centru educativu, criticaron la indolencia de la Conseyería de Eudación qu'entá nun dio una respuesta satisfactoria pa resolver la situación.
 
La secretaria de política municipal, Gabriela Álvarez denunció una vegada más l'abandonu nel que s'atopen los pequenos conceyos d'Asturies que, al so xuiciu, tendríen de cuntar con un respaldu claru del Principáu d'Asturies pa garantizar los servicios y prestaciones a los sos residentes.
 
Nel alcuentru, los diputaos y la secretaria, pudieron tamién intercambiar paeceres con otros miembros de l'agrupación d'IX en Bimenes.