Menu

El coordinador d'IX pide alcuerdos que dean soluciones a los problemes de la ciudadanía y lloma de "bien esmolecedora" la transición enerxética del PSOE

IX va caltener el so apueste pol diálogu y la negociación pa evitar que los próximos nueve meses conviértanse n'una mera precampaña electoral pero ensin resolver los problemes qu'afecten a la ciudadanía. El coordinador xeneral d'IX Asturies, Ramón Argüelles, aseguró güei na Feria Internacional d'Amueses d'Asturies, que l'oxetivu de la so formación ye la busca del consensu pa, dixo, “siguir aprobando coses nel BOPA, por qu'ameyore la situación de les persones”.
 
El coordinador d'IX Asturies alvirtió de los riesgos del enfoque actual de la transición enerxética y aseguró que la posición de la ministra Teresa Riebera, col so integrismu respecto al modelu de transición, ye “bien esmolecedora” p'Asturies, yá que non solo representa un zarru antemanáu de les centrales térmiques y consiguientemente ·”echar a la cai a los trabayadores”, sinón que va suponer un encarecimientu del recibu de la lluz pales families y, tamién, pales empreses asturianes que s'atopen ente los mayores consumidores del país. Frente a un zarru prematuru, Argüelles apostó por aprovechar los plazos fitos pola mesma Unión Europea pa garantizar una transición enerxética razonable y xusta.
 
Per otru llau, el coordinador d'IX, a entrugues de los periodistes sobro les inversiones en depuradores n'Asturies anunciaes por Hugo Morán, Secretariu d'Estáu de Medioambiente, prefier xulgar los fechos a les bones palabres y punxo como exemplu d'estes postreres les continues promeses del anterior Ministru de Fomentu, Iñigo de La Serna. “Cuando tea licitao y en funcionamientu, vamos falar”, atayó.