Asturies detuvo güei el tiempu a les 12 del mediudía con un minutu de silenciu en memoria del conceyal d’IX Llanes, Javier Ardines, y contra la violencia.
La convocatoria de la Federación Asturiana de Conceyos (FACC) atestiguó frente a los distintos conceyos de la Comunidá la conmoción por esti crime.
La dirección d’IX Asturies y otros miembros del grupu parlamentariu y la organización n'Uviéu concentráronse frente al Conceyu de la capital del Principáu, al igual qu'asocedió nel restu de places consistoriales d'Asturies.
A entrugues de los medios, el coordinador xeneral d’IX Asturies, Ramón Argüelles, esplicó la murniura y el desconciertu que provocó l'asesinatu d’Ardines pero enfatizó en que se ta tratando de treslladar "el máximu ciñu posible" a la so familia y compañeros y compañeres más cercanos.
Nestos duros momentos, Argüelles pidió que s'esclarien cuanto antes les circunstancies d'esta muerte. "Tenemos que dexar a los profesionales trabayar, ayudar en tolo que sía necesario y, sobremanera, como dixi de primeres, sofitar a la familia y a l'agrupación de Llanes que son los que peor lo tán pasando nestos momentos".
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
