Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

11/10/2018

IX esixi una comisión billateral de siguimientu y cumplimientu de la inversión estatal n'Asturies

Ovidio Zapico alvierte de la medrana a que la Variante nun se abra hasta 2022

Ovidio Zapico, diputáu d'IX na Xunta Xeneral, reclamó güei al Gobiernu asturianu qu'esixa al Estatal la creación d'una comisión billateral de siguimientu, control y execución, de les grandes obres estatales na comunidá pola esmolición esistente pol baxu esforciu inversor n'Asturies y la baxa execución presupuestaria posterior, non solo anguaño que nun algamar el 15 % sinón nos últimos exercicios. Tamién alvirtió'l diputáu d'IX de la medrana de la coalición de que l'apertura de la Variante de Payares nun se produza na última fecha anunciada sinón que se retrase inclusive hasta'l 2022.

A xuiciu del diputáu d'IX, el balance d'execución del presupuestu estatal n'Asturies fixo saltar toles alarmes y la esmolición. Ye más el Ministeriu de Fomentu de 2015 a 2018 dexó d'executar 292 millones de los presupuestaos para la comunidá, dineru que daría pa tener yá terminada la Variante de Payares, l'autovía a La Espina y empezar a desenvolver otres esixencies. Eses inversiones ensin executar xeneren desafección ente los ciudadanos y suponen una falta p'Asturies, porque los presupuestos conviertense en papel moyáu y pola so execución “llaceriosa”. “Too ello representa una auténtica burlla a Asturies, una burlla a base d'engaños polos calendarios y otros poles cuantíes. Engaños que nun vienen d'estos últimos años, sinón de munchos tras”, alvirtió'l diputáu d'IX.

Zapico esplicó que nos últimos tiempos creóse un preséu reivindicativu como ye l'Alianza poles Infraestructures, que precisa ser reforzada, xuna alianza política y social interna, que precisa, sicasí d'un preséu esternu de control, xuna comisión billateral como yá tienen otres comunidaes autónomes frutu d'estatutos de tercer xeneración, como son Cataluña, Castiella y Llión y Andalucía, o otres comunidaes como la valenciana que tamién la tien ensin modificar l'Estatutu.

Fernando Lastra, Conseyeru d'Infraestructures, aseguró que la Variante de Payares va tar en plazu si se resuelven rápido los contratos sobro anchu de vía y si toma la decisión correcta pal tráficu de pasaxeros y mercancíes. 2020 ye l'añu de finalización de la execución y dempués entraría na fase de pruebes. Tamién afirmó que la rocea nestos momentos sobro'l Ministeriu nun obedez a una razón oxetiva.

Volver

Compartir

2014 Izquierda Xunida d'Asturies - Política de privacidad - Política de cookies