La diputada confía en que l'alcuerdu marque la pauta de futuru y sorraya les aportaciones d'IX, ente elles, la xuba del impuestu a les hipoteques que tienen de pagar los bancos y ta prohibío que lo repercutan al veceru
Concha Masa, diputada d'IX na Xunta Xeneral, aseguró esta mañana, na vez de comparecencies pa esplicar el presupuestu pal próximu añu, que la esistencia del mesmu ye una bona noticia p'Asturies. Cuntar con presupuestu pa 2019 ye muncho más positivo que tener una prórroga presupuestaria. Trátase amás d'unes cuentes d'izquierdes que van sirvir pa consolidar una alternativa plural, nítidamente d'esquierdes, que reflexa la mayoría qu'ufiertaron les urnes en 2015 y contienen midíes d'impulsu social, igualdá, rexeneración democrática y de sostenibilidá territorial y ambiental… que faen que tome cuerpu la estratexa d'IX de reforzar un cambéu políticu de xiru a la izquierda atendiendo mayoría social asturiana sobremanera de la clase trabayadora y de los más desfavorecidos que carecieron más duramente los efectos crisis. “Ye un bon presupuestu, necesariu p'Asturies, y trabayáu y consensuáu por una izquierda constructiva y con sentíu de de país”, esplicó nos sos minutos de fixación de posición.
A xuiciu de la vocera axunta del grupu parlamentariu d'IX ye cierto que podría habese fecho antes y sería bien importante que'l presupuestu pa 2018 pudiérase llevar a cabu ensin una amenorga de creitos estraordinarios y que, meyor entá, sería algamar alcuerdu 2017 pa evitar l'absurdu amenorgamientu de presupuestos forzada pola derecha nel so enfotu de desfiscalizar y desregular, lo que provocó l'amenorgamientu d'ingresos pa la comunidá
IX, dixo la diputada, “prefier ver la situación con optimismu” y espera que l'alcuerdu marque pauta pa futuru. Masa refirióse tamién a una tercera bona noticia” qu'apurre'l tener un presupuestu. “Esti presupuestu tien la marca d'IX”, dixo antes de citar les aportaciones d'IX. Ente les mesmes recordó qu'IX siempres caltuvo qu'una pilastra fundamental pa garantizar el financiamientu d'un estáu social democráticu y de derechu ye una fiscalidá xusta y progresiva que sirva p'amenorgar les desigualdaes sociales y caltener los servicios públicos calidable. Por eso, IX axustó la medría del 1,2% del 1,5% del impuestos d'actos xurídicos documentados poles hipoteques que tienen de pagar los bancos y non los consumidores y que ta prohibío que se repercuta nos veceros. “Esto va suponer una medría na recaldación en beneficiu de la ciudadanía”, citó Masa.
Dientro d'estes aportaciones d'IX, Masa reconoció sentise satisfecha nes partíes dedicaes a la llei de memoria, que ta en tramitación, xuna partida destinada a la movilidá de mozos emigrantes que s'atopen trabayando fora d'España con trabayos precarios y escasez de recursos, facilitando'l contactu cola so tierra y desaniciando déficit de conexones… En materia d'igualdá hai netes meyores con refuerzu de personal d'asistencia, refuerzu de programes de prevención de programes contra la violencia, nuevos centru asesores de la muyer, aumentu de places de plantiya que suponen xuna ferramienta fundamental contra la violencia machista, rellató la vocera axunta d'IX nesta primer comparecencia presupuestaria, anque tamién sorrayó que “sía comoquier nel ámbitu la igualdá queda entá enforma por faer”, son necesaries polítiques decidíes y calteníes nel tiempu pa la llucha contra la violencia machista. En concretu apuntó que “nun arrenunciamos a crear no que queda de llexislatura les unidaes d'igualdá en toles conseyeríes, con funciones específiques, nin la puesta en marcha real de les unidaes de valoración forense integral, anunciaes pero ensin funcionamientu efectiva. Nesti campu nun almitimos promeses nin sucedaneos porque xugámonos daqué bien serio, los derechos de les muyeres, la so seguridá y en dellos casos la so vida”.
La diputada d'IX sigo reconoció qu'a la coalición gustára-y ameyorar y afitar “toes nueses prioridaes y dedicar munchos más recursos a otres munches cuestiones” pero, teniendo en cuenta que financiamientu tao nun ye demasiao arrogante, que la recaldación fiscal amenorgóse gracies al PP, que l'aumentu del gastu dedicáu a educación, a sanidá y xusticia crez en términos numbéricos importantes y que s'introducen delles partíes nueves, creemos…. Ye un bon presupuestu, necesariu p'Asturies, y trabayáu y consensuáu por una izquierda constructiva y con sentíu de de país”.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies