Menu

Nel Aniversariu de la Constitución considera imprescindible defender derechos sociales, llibertaes y l'estáu de l'autonomíes

Gaspar Llamazares, voceru parlamentariu d'IX na Xunta Xeneral, alvirtió nel 40 Aniversariu de la Constitución, y “viendo'l panorama” de que'l grupu parlamentariu d'IX va defender los derechos constitucionales porque “la cuestión vien mal pa defender los derechos sociales, les llibertaes y l'estáu de les autonomíes”, ensin perxuiciu de que nel momentu que haya una relación de fuerces favorable “vamos defender tamién la meyora de la Constitución”, cola incorporación de los derechos venceyaos a la Constitución, la mayor participación democrática de los ciudadanos y la superación de delles hipoteques que vienen dende la dómina de la Transición. “Vamos Defender con uñes y dientes los derechos constitucionales y les llibertaes énte los vientos que vienen nestos momentos autoritariu y reaccionariu”, concluyó Llamazares.

Per otru llau, el grupu parlamentariu saluda l'alcuerdu en relación al trabayu parlamentariu nel mes de xineru ·porque ye meyor un consensu qu'un desalcuerdu”.

Sicasí, a xuiciu de Llamazares la Cámara “mira por demás escontra tras, convirtiendo'l Parlamentu en xusticieru, retrucando a la xusticia, y mira poco escontra alantre en relación a les lleis pindies, a los procedimientos lexislativos y de control del gobiernu que son el nuesu verdaderu llabor”.