Menu

La eurodiputada da les gracies pol sofitu “a la IX de siempre". Ramón Argüelles anuncia que va abrir un periodu de reflexón y felicita a la ganadora por que llogre que sía una fuerza decisivo

Ángela Vallina llogró güei alzase cola victoria nes primaries celebraes por Izquierda Xunida de cara a encabezar les llistes a la Xunta Xeneral del Principáu. La candidata de Más Izquierda Xunida llogró 517 votos, Ramón Argüelles 468 y Carmen Conde 143.

Ángela Vallina amosóse satisfecha yá que dixo, la so candidatura, yera la que representaba la "Izquierda Xunida de siempre" y amás representaba a la mayoría de les organizaciones d'Asturies. Sía que non, la eurodiputada enfatizó qu'inda hai qu'esperar al lunes pa ver si'l votu per corréu confirma la so victoria. "Pel momento, dar les gracies a tola militancia por esi enfotu, por ese sofito y por esi apueste por nuesa IX de siempre!

Tratase d'unes resultancies preliminares una y bones inda falta por escrutar el votu per corréu que nun se computará hasta'l próximu llunes a partir de les 18 hores, tal que se recueye nel reglamentu de primaries.

Sía que non, Ramón Argüelles telefonió güei a Ángela Vallina, col votu presencial yá escrutáu pa da-y la norabona. "Col tantéu actual la so candidatura supera a la mía y too fai pensar que'l votu per corréu qu'hasta'l llunes, por desgracia, nun se va poder abrir, va a dala tamién vencedora. Asina que llamela para deseya-y bien de suerte, que lleve a IX Asturies nes próximes elecciones a ser una fuerza decisivo".

El coordinador deseyó qu'IX abase pa escontra fuera, dexando de llau la exteriorización de les distintes sensibilidaes. Ello ye qu’esplicó, la militancia ta cansada de la escenificación de los problemes internos. "Tendríamos de centranos más en ver lo que nos xune que no que nos dixebra".