Menu

El candidatu d'Izquierda Xunida y númberu dos al Congresu na llista per Asturies de Xuníes podemos, Juan Ponte, reivindicó güei en Figueres la necesidá d'un plan integral pal desenvolvimientu de zones rurales y perifériques.

L'oxetivu, esplicó, tien de ser aprovechar tolos recursos pa llograr detener la sangría demográfica. “Precisamos un plan integral pa les zones rurales y pa les zones perifériques que conecte tolos sectores de la economía, la industria láctea, el turismu, la ganadería”.

Ente les midíes necesaries, Juan Ponte reclamu remanes pa llevar les nueves tecnoloxíes de la información y la comunicación, como elementos indispensables p'algamar nuevos mercaos y nuevos nichos de trabayu.”Equí tenemos un seriu problema que ye la fienda dixital. Precisamos qu'estos territorios tengan una bona comunicación pa poner en marcha l'emplegu, pa xenerar más emplegu”.

Al pie de les midíes de dinamización económica y desenvolvimientu en comunicaciones, el candidatu d'IX na llista de Xuníes Podemos aseguró que yera imprescindible consolidar la rede de recursos sociales: “ hai qu'ameyorar esos recursos públicos por que la calidá de vida de los ciudadanos y de les ciudadanes sía muncho meyor”. Y ente estos recursos, aprofió que ye imprescindible tener en cuenta les dificultaes que aveces producir nes zones rurales, p'aportar a una vivienda.

En Castropol, esa situación, como otros conceyos costeros, vese agravada pola estacionalidad del turismu que dispara'l preciu de los arriendos en dómina vacacional lo que fai entá más difícil la posibilidá de permanecer nel territoriu. Un exemplu ye esti conceyu, onde les viviendes públiques promovidas nun tán sirviendo pa dar respuesta a les necesidaes reales de la población residente de forma permanente. “Tenemos un problema tamién col parque de vivienda públicu: tenemos vivienda VIPASA que tien unos precios d'arriendu elevadísimos y eso enzanca la vida pa les persones equí nestes zones””.

Juan Ponte caltuvo un alcuentru con responsables d'IX nel occidente asturianu como Juan José Menéndez (Castropol), Agustina de Juanes (Navia) y Constantino Garcia (El Franco).

Menéndez fizo un llamamientu a la participación yá que, dixo, van ser decisives pa la población rural: Tenemos qu'implicar a tola población lo máximo posible por que participe nestes elecciones y sofiten la candidatura de Xuníes Podemos”

Constantino García llamó l'atención, de forma especial sobro les probes comunicaciones dixitales que tien que sufrir la población de les aries rurales y bien especialmente na sales, tanto del oriente como del occidente asturianu.

Ello ye que les conexones a Internet taríen, al so xuiciu, nunes condiciones similares a les de les comunicaciones per carretera con estes zones nos años 30 del sieglu pasáu. Y eso, reprocho, a pesar de qu'esiste una rede de fibra óptica que traviesa tola contorna.

“Nestes elecciones xugamos el futuru de la nales”, esplicó García, pa quien la reordenación políticu alministrativa de la zona centro d'Asturies puede significar un mayor olvidu pa estos territorios.

Pa Constantino García, l'occidente asturianu tien importantes recursos, tanto no relativo a grandes empreses como pueden ser los estelleros asitiaos nel mesmu Castropol pos Nadia, pero tamién industries del sector lácteo o papeleru, que suman a les esplotaciones agraries, forestales, y al sector pesqueru, que tien de ser aprovecháu.