Menu

Elsa Abargane y Marta Pulgar coinciden coles ONG,s en superar la perspectiva asistencialista y demandar más derechos

IX comprometese col Tercer Sector asturianu. Les candidates d’IX Elsa Abargane y l'actual diputada Marta Pulgar repitieron esta mañana'l sofitu al llabor que realicen les ONg,s asturianes arrexuntaes na denominada Mesa del Tercer Sector y sorrayaron les coincidencies de la coalición colos oxetivos de les mentaes organizaciones, apostando pola integralidad de les polítiques a llevar a cabu y por garantizar derechos a los que más lo precisen. Elsa Abargane explicitó qu'IX caltien el compromisu cola estabilidá y sostenibilidá del Tercer Sector, cola ampliación de competencies de la Mesa del Tercer Sector tocantes a consultes y participación o cola concreción d'un pactu cola infancia con compromisos concretos en materia d'inversión, educación, y protección y asina se recueye nel programa electoral.

La coalición, en coincidencia coles Organizaciones Non Gubernamentales, tamién plantega superar la perspectiva asistencialista y enfocar les polítiques públiques dende una perspectiva de derechos, configurándoles como la exa del sistema de protección social, por aciu la implementación de polítiques enllargaes nel tiempu y con un enfoque d'atención integral a los procesos vitales de les persones, con midíes individualizaes y dende un enfoque de participación social. “IX defendi una mayor atención individualizada”, dixo Valle na intervención que tuvo llugar esta mañana na see de Cruz Roja d'Asturies.

A última hora, “compartimos oxetivos, y el diagnósticu de la necesidá d'un abordaxe integral de les polítiques d'inclusión”, dixo Valle, quien amestó “el valor” que representa esti tercer sector na sociedá. “Siguimos pensando que ye'l momentu de garantizar derechos y nello vamos poner tol nuesu enfotu”, concluyó Valle.

El calter multidimensional de la desigualdá fai necesariu un abordaxe dende distintos ámbitos: educativu, sanitariu, social, fiscal y llaboral, faciendo fincapié nos colectivos más vulnerables, como son les families monoparentales y l'infancia y l'abordaxe del fenómenu de el trabayadores probes, la discapacidá, los mayores…, abondó la candidata númberu cinco de la coalición.