Menu

El candidatu d'IX al Congresu asegura que ye necesariu un cambéu que resuelva problemes como la repartida de la xarda o la fienda dixital

El candidatu d'IX na llista de Xuníes Podemos al Congresu per Asturies, Juan Ponte, sofitó güei en L.luarca a Isabel Guardado, candidata per parte de la formación a la corporación de Valdés. Ponte criticó la política municipal del partíu socialista nesi Conceyu a lo llargo de los últimos años yá que, dixo, “caracterizóse pola desidia, pola opacidá, pola falta de tresparencia; pola incapacidá, en definitiva d'escuchar y atender a les propuetas de los vecinos y vecines del conceyu y caracterizóse tamién por una política caciquil”.

Valdés, al igual qu'otres zones rurales, tien ente los sos principales problemes la fienda dixital, daqué que, señaló Ponte, taría lastrando les posibilidaes de desenvolvimientu. “Nel conceyu solo tenemos banda ancha en L.luarca y atopamos con que, por casu, nel Polígonu Industrial hai un mega de velocidá: esto ye un problema fundamental, el de la fienda dixital que fai difícil la xeneración d'empléu estable y calidable”.

Juan Ponte visitó esta tarde Valdés, onde caltuvo un alcuentru con Isabel Gardado y, de forma informal, tuvo la oportunidá d'intercambiar opiniones sobro la situación de la flota pesquera col pàtrón mayor de L.luarca, Jesús Manuel Iglesias. Nel sector pesqueru, el candidatu denunció'l problema de la repartida de les cuotes de la xarda, una repartida, dixo, inxustu, “porque el pescadores sufren xuna doble discriminación per parte de les polítiques comuñales europees y xuna discriminación na repartida de la cuota de la xarda a escala estatal. Por tanto, dende IX tenemos propuestes, tenemos alternatives énte esta política opaca, énte esta política caciquil del Gobiernu socialista y por eso Isabel ye la nuesa candidata”.

Pa Guardado ye imprescindible xuna movilización ciudadana como única alternativa pa llograr que se dean respuestes a les necesidaes reales de la ciudadanía. “Precisamos un cambéu real nes polítiques tanto a nivel estatal como autonómicu y local pa sacar de la decadencia a conceyos como'l nuesu, como Valdés”