Menu

La candidata d'IX a la Presidencia d'Asturies, Ángela Vallina, apostó güei en Les Arriondes por poner en marcha midíes que dexen fortalecer l'Hospital Grande Covián, tantu dende la perspectiva de los recursos humanos como materiales.

La cabeza de llista pola circunscripción central a la Xunta Xeneral del Principáu d'Asturies pola Izquierda, al pie de la candidata pola llista del Oriente, Begoña Collada, entrevistáronse esta mañana con miembros del Comité d'empresa de la institución sanitaria, que reivindiquen midíes d'equiparación del personal llaboral col del restu del SESPA pero tamién otres específiques pa garantizar l'atención de los distintos servicios.

"Tol mundu na campaña saca la tema de la despoblación que tamos sufriendo sobremanera nes nales: lleguen tarde a esti alderique. Fai enforma tiempu que se ta viendo venir y sicasí nun se tomen les midíes pa evitalo", reprochó Vallina, pa quien la sangría demográfica solo puede detenese con emplegu calidable y servicios públicos, ente ellos sanitiarios, tamién calidables.

Nel casu del Hospital Grande Covián, Vallina recordó que ye imprescindible dotalu tanto pa l'atención de la población residente como pa la población volante, que produz picos d'atención bien importantes, por culpa de que l’Oriente d'Asturies ye una de les principales en visitantes d'Asturies.

Na xestión de personal, la candidata d'IX resaltó que nun se trata solo d'una cuestión económica, sinón tamién d'incentivos que dexen que l'Hospital conviértase nuna plaza curiosa pa los distintos profesionales.

Begoña Collada llamó l'atención sobro la necesidá de reforzar l'Hospital como un elementu clave nel desenvolvimientu del Oriente. "Lo más importante que tien que tener una sociedá sana ye sanidá y educación. Enllenamos la boca y, sobremanera nesta campaña tamos viéndolo, con afitar población, col mediu rural, pero si nun tenemos servicios básicos y tan necesarios como ye la sanidá, poca población podemos afitar".

En materia electoral, la candidata pol Oriente, Begoña Collada, recordó les dificultaes pa llograr un escañu por cuenta de la llei electoral asturiana pero, sicasí, enfatizó que la candidatura d'Asturies pola Izquierda ye imprescindible porque "sabemos qu'hai muncha xente nel Oriente d'Asturies, como en toa Asturies, que precisa d'Izquierda Xunida, lo que defende Izquierda Xunida y les idees d'izquierdes".

Vallina y Collada tuvieron güei acompañaes por Marta Pulgar y Elsa Abargane, tamién miembros de la llista d'Asturies pola Izquierda a la Xunta Xeneral del Principáu, y la conceyala y candidata en Parres, Silvia Iglesias.