Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

13/05/2019

Ángela Vallina compromete'l sofitu d'IX pa “impulsar la creación d'un Observatoriu Asturianu contra la LGTBIfobia” la próxima llexislatura

La candidata a la Presidencia del Prinicpado, xuntu al númberu 3 d’€IX Xixón a l'Alcaldía, xuntase con Yosune Álvarez y Patt Picón, de la Xunta Directiva de l'Asociación XEGA

La candidata a la Presidencia d'Asturies, Ángela Vallina, y el candidatu al Conceyu de Xixón/Xixón, Javier Suárez Llana, caltuvieron una xunta con XEGA.

Suárez Llana reivindicó “la necesidá d'incorporar la perspectiva LGTBI al diseñu de toles polítiques públiques” y apostó por poner en marcha en Xixón “un Serviciu Municipal de Sofitu y Orientación pa Mocedá LGTBI”.

La candidata de la coalición IX-IAS a la Presidencia d'Asturies, Ángela Vallina, y el candidatu al Conceyu de Xixón, Javier Suárez Llana, caltuvieron esta tarde una xunta con Yosune Álvarez y Patt Picón, de la Xunta Directiva de l'Asociación XEGA, pa compartir propuestes “qu'aseguren meyores en materia d'igualdá LGTBI n'Asturies la próxima llexislatura”.

Ángela Vallina destacó “la bona sintonía” cola histórica asociación asturiana y afitó como prioridá “l'aprobación de la Llei Trans que la derecha del Partíu Popular y Foru bloquió na Xunta Xeneral hai malpenes unos meses”. Pa Vallina “la reconocencia de derechos pa les persones trans n'Asturies nun puede siguir esperando y va ser unu de los primeros asuntos que vamos impulsar a partir del 26 de mayu. Esi ye'l nuesu compromisu”. La candidata ya inda eurodiputada coincidió amás colos representantes de XEGA na necesidá de “combatir los discursos d'odiu y discriminación que tán creciendo en toa Europa” y comprometió’l sofitu d'IX pa impulsar la creación d'un Observatoriu Asturianu contra la LGTBIfobia la próxima llexislatura.

Pela so parte, Javier Suárez Llana, qu'aprovechó la xunta pa estimar a XEGA por “los 26 años en primer llínea de la llucha pola igualdá”, reivindicó la necesidá de “incorporar la perspectiva LGTBI al diseñu de toles polítiques públiques, cuantimás a les polítiques sociales, d'igualdá, de mocedá y de mayores, pero tamién a les d'emplegu o urbanismu”. El candidatu al Conceyu de Xixón/Xixón, qu'esbilló dalgunes de les propuestes qu'IX incorporó al so programa electoral, apostó por poner en marcha “un Serviciu Municipal de Sofitu y Orientación para Nueves LGTBI”, xuna iniciativa que busca “intervenir nos ámbitos educativo y xuvenil, y ufiertar un recursu que sirva non solo para resolver duldes, sinón fundamentalmente como ferramienta por que nengún nuevu LGTBI en Xixón siéntase solo, perdíu o discrimináu”. Suárez Llana defendió tamién la creación d'espacios urbanos pa la diversidá, y la reconocencia y la celebración institucional del 17 de mayu, Día Internacional contra la Homofobia, la Transfobia y la Bifobia, y del 28 de xunu, Día del Arguyu LGTBI, “porque la normalización social solo consíguese al traviés de la visibilidá”.

Volver

Compartir

2014 Izquierda Xunida d'Asturies - Política de privacidad - Política de cookies