Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

15/05/2019

Lara amuesa'l so sofitu a la candidatura de Vallina y reclama una fuerte presencia d'IX nos conceyos y nel Principáu

L'ex coordinador federal apueste por una formación con hestoria, propuestes y entroncada na sociedá y les instituciones

Cayo Lara, ex coordinador d'IX federal, amosó esta mañana n'Uviéu'l sofitu a la candidata d'Asturies pola Izquierda, ensin nengún xéneru de duldes, y apostó por una Izquierda Xunida con hestoria, raices, propuestes y entroncada na sociedá y les instituciones asturianes. A xuiciu del ex coordinador d'IX ye necesaria una presencia fuerte d'Izquierda Xunida tantu nos conceyos como nel Principáu, que sirva, de la mesma para reforzar una mayoría parlamentaria nel Congresu de los diputaos pa, ente otres coses, esaniciar el techu de gastu impuestu a los conceyos, consiguir una llei de financiamientu local o llevar alantre una política fiscal estatal más progresiva, mayor inversión n'I+D+I, n'infraestructures, en polítiques sociales… midíes estes postreres recoyíes nos presupuestos estatales que fueron baltaos pola derecha y los nacionalistes.

L'ex coordinador d'IX convidó a los asturianos a nun creese “les milongues” de los partíos de la derecha cuando falen d'una baxada d'impuestos xeneralizada yá que ensin éstos “nun ye posible” el desenvolvimientu del estáu social y la calidá de los servicios y, sobremanera, a una vida más xusta. Al so xuiciu ye obligao que los asturianos enconties una mayoría parlamentaria na qu'IX tenga una fuerza importante, teniendo una mayor influencia nos conceyos y la comunidá autónoma.

L'ex coordinador d'IX recordó que les candidatures d'IX nun son un vientu nuevu, sinón una fuerza qu'apurre seguridaes y garantíes, que nun vienden fumu”, que tienen los sos raigaños nel suelu. “Cuando se viende fumu produz la frustación y detrás d'ella vien la estrema derecha”, concluyó.

A entrugues de los periodistes sobro les resultancies de la confluencia con Podemos, l'ex coordinador federal aseguró que les polítiques d'unidá tienen de ser queríes por toles partes y tienen de surdir pola base, nes lluches social y sindical, y, a posteriori, realizase los pactos electorales. “Tenemos de faer una reflexón bien fonda”, dixo Lara. Tamién indicó, como militante de base, que tien “la percepción como munchos ciudadanos” de que les condiciones del alcuerdu con Podemos de 2016 nun fueron “les más xustes posibles”.

Volver

Compartir

2014 Izquierda Xunida d'Asturies - Política de privacidad - Política de cookies