Izquierda Xunida y el PSOE empecipiaron güei los contactos de cara a la investidura del futuru presidente d'Asturies y a la gobernabilidá del Principáu, nuna cita na que se constató un bon entendimientu.
La vocera de la formación, Ángela Vallina, axuntóse esta mañana col secretariu de la Federación Socialista Asturiana y candidatu a la presidencia d'Asturies, Adrián Barbón, precisamente pa falar de víes d'entendimientu, basaes tantu nes resultancies electorales como n'alcuerdos programáticos. Nestos momentos, y tres ese primer alcuentru, Vallina destacó'l sentíu de responsabilidá d'Izquierda Xunida que, dixo, "intenta siempres collaborar, dar estabilidá a Gobiernos d'Izquierda, como diximos mientres tola campaña y que, en concencia, hai que respetar la voluntá de lo que votaron los asturianos y asturianes, que quedó clara".
Sía que non, ironizó Vallina, "vamos a una investidura y non a una embestidura que ye lo que paez ser que plantegen otros grupos". A partir de la próxima selmana, van poner a trabayar los equipos de dambos partíos pa tratar de llegar a alcuerdos que, esplicó la diputada, van tar basaos nel programa y non en cargos concretos. IX va plantegar propuestes basaes, precisamente, nel programa qu'alcordó pa estes elecciones autonómiques.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies