El conseyeru Pablo Fernández Muñiz asume la posición del diputáu d'IX Ovidio Zapico que reclamó un informe como'l realizáu en Navarra onde se constató que externalizar el serviciu nun supunxo aforru.
La Conseyería de Sanidá va pidir a la Sindicatura de Cuentes un informe pa conocer si la privatización de cocines supunxo una mayor eficiencia na so xestión o si, otra manera, caltener el serviciu en manos públiques ye más ventaxoso. El titular del departamentu, Pablo Fernández Muñiz, aceptó esta mañana la propuesta d'IX por que se estudien los efectos reales de la externalización de los fogones. El diputáu Ovidio Zapico esplicó qu'en Navarra sindicatura de la Comunidá Foral realizara un informe sobro esta cuestión, concluyendo que privatizar les cocines, llueñe de reportar aforros económicos, podría suponer un encarecimientu, de la que l'alimentación xeneraba mayor insatisfaición ente los pacientes.
Estimamos dende'l grupu parlamentariu d'IX que'l Conseyeru de Sanidá recoyera, nel intre de la comparecencia d'esta mañana, la nuesa propuesta d'encargar un informe a la Sindicatura de Cuentes p'analizar la conveniencia de caltener les cocines privatizaes”, esplicó'l parllamentariu.
Ovidio Zapico amosó tamién el so prestu porque, amás, Sanidá va encargar una “encuesta de prestu” pa conocer de forma fehaciente la opinión que tienen los usuarios del sistema públicu de salú sobro l'alimentación mientres les estancies hospitalaries.
Ovidio Zapico valoró amás de forma bien positiva que'l conseyeru Pablo Fernández Muñiz coincidiera cola posición d'IX al respective de la necesidá de poner en marcha una llavandería hospitalaria centralizada.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
