La propuesta pretende amontar les tases de reciclaxe bien per debaxo de lo que marca la Unión Europea.
Izquierda Xunida llogró güei sacar alantre una Proposición non de Llei (PNL) pa la puesta en marcha d'un plan de choque en reciclaxe de borrafes col oxetivu d’ameyorar la capacidá del sistema actual d'aumentar les cotes de reciclaxe y cumplir les esixencies de la Unión Europea. El diputáu Ovidio Zapico xustificó la propuesta polos datos ufiertaos pol Gobiernu al respective de les tases de recuperación y recicláu de basures y que lu asitiaben 28 puntos per debaxo de lo que se marcaba dende Bruxeles para 2020. “Tamos llueñe de los oxetivos y al mio grupu parlamentariu surdir una primer dulda: cuándo llegue'l 31 d'avientu y nun cumpliéramos con esos oxetivos, ¿qué va pasar? ¿qué va dicir la Unión Europea? ¿va treslladanos al Reinu d'España dalguna sanción por non cumplir?”.
El problema, esplicó Ovidio Zapico ye que, al ritmu actual nin siquier van algamase los oxetivos que s'afitaron para 2025. No fondero del problema, reprochó'l diputáu d'IX, ta la “ofuscación” del PSOE que, mientres años, fio el modelu na quema de borrafes apostando a lo llargo de décades pola fallida macroincineradora que quedó aparcada, definitivamente, gracies a IX, na anterior llexislatura dientro de los alcuerdos de investidura col Gobiernu de Javier Fernández.
La propuesta d'IX plantega más campaña de concienciación, la medría de tases de reciclaxe orgánico; penalizar de manera pecuniaria a productores de basura que nun se comprometan cola separación n'orixe; exemplaridá de la mesma alministración tocantes a la xestión de les sos borrafes; y un cambéu de mentalidá sobre les borrafes que tienen que dexar de tratase como un problema pa convertise en recursos útiles.
Al respective de la concienciación, Zapico esplicó que cuando por fin sumió de la escena política la macroincineradora, amóntense eses polítiques de sensibilización impulsaes pol Gobiernu, constatándose, yá una medría nos porcentaxes del reciclaje.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies