El diputáu aspira a convertise nel coordinador de "toa Izquierda Xunida d'Asturies"
Ovidio Zapico va ser el nuevu coordinador xeneral d'Izquierda Xunida d'Asturies, dempués de que güei solo se presentara la so candidatura al procesu de primaries abiertu pola formación. Esta circunstancia fai aparrar, amás, la cita electoral interna ente la militancia prevista pal 29 de febreru y que se produciría de rexistrase solo una candidatura.
Tres el zarru del plazu pa presentación de les candidatures y conocese que solo la suya s'había fecho efectiva, el diputáu amosóse esperanzáu n'abrir una nueva etapa de fortalecimientu de la organización. “Había un ampliu númberu de compañeros y compañeres que creíamos que yera necesario, en redol a la mayoría, el tener un candidatu únicu en tou esti procesu de primaries. Ellos y Elles decidieron que yo podía ser la persona afayadiza. Asumo, poro, de primeres, con ilusión y tamién con responsabilidá esta etapa nueva que na vida política mio ábrese d'equí p'arriba”.
Como oxetivos, Ovidio Zapico márcase “abrir un tiempu nuevu de normalidá”, pa poner a la organización a trabayar pa la sociedá, pa la clase trabayadores. Sía que non, enfatizó, “quiero ser el coordinador de toa Izquierda Xunida d'Asturies”.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies