Angela Vallina recuerda que l'anterior llexislatura IX yá pidiera y llograra’l sofitu de tol Parlamentu padexar que'l profesoráu asturianu pudiera compaxinar la so actividá con conciertos
IX sofitó güei una propuesta pa flexibilizar la llei d'incompatibilidaes nel ámbitu de la docencia musical n'Asturies y reclamó que d'una vegada por toes los profesores de los conservatorios dependientes del Principáu puedan compatibilizar la so actividá con otres rellacionaes cola música y que son tamién esenciales para so reciclaxe, el so currículum y pa la mesma promoción de la música y la cultura asturiana.
La vocera parlamentaria de la formación, Angela Vallina, defendió güei na so intervención la necesidá de revisar les incompatibilidaes pa dexar que profesores de centros públicos dependientes del Principáu puedan compatibilizar la so actividá docente con otres rellacionaes tamién cola música inclusive n'ámbitos públicos.
IX yá presentara una proposición non de llei na anterior llexislatura con estos mesmos fines que foi aprobada pol parlamentu asturianu. Sicasí, a día de güei los docentes de Música n'ASTURIES siguen esperando por una flexibilización que nun llega pero que sicasí ye posible, gracies al artículu trés de la mesma llei d'incompatibilidaes que dexa esa flexibilización.
Lo sorprendente ye qu'ASTURIES ye yá un casu únicu nel panorama español, una y bones toles comunidaes autónomes sacantes la del Principáu, aprobaron esceiciones pa dexar les compatibilidaes que redunden, amás, na calidá de la enseñanza, al dexar el reciclaxe de los docentes y la promoción de la mesma música y cultura asturiana, nesti casu.
Angela Vallina aseguro que la situación d'ASTURIES respuende a una aplicación “estremo y absurdo” de la llei d'incompatibilidaes, polo que pidió altor de mires.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies