Menu

Ovidio Zapico reclama que se reactive la tramitación de la Llei de Derechos Vitales Básicos

IX reclamó güei na Comisión de Derechos Sociales y Bienestar complementar con recursos autonómicos l'Ingresu Mínimu Vital (IMV) dependiente del Estáu que va sustituyir al Salariu Social y reactivar la tramitación de Derechos Vitales Básicos. El diputáu Ovidio Zapico aprofió que la nueva prestación tien de ser una "oportunidá" na llucha contra la probeza pero tamién frente a la precarización llaboral. Asturies, aprofió'l parllamentariu, tien de ser pionera, de nuevu, como cuando se pasó en marcha la prestación asturiana, hai yá 15 años gracies a la presencia d'Izquierda Xunida, con Laura González como Conseyera de Vivienda y Bienestar Social, nel Gobiernu d'Asturies. Reforzar esa renta ye entá más necesario, enfatizó Zapico, a la vista de los datos del informe sobro la probeza de Oxfam, que preve una medría del 7% del númberu persones sol estragal de la probeza nel contestu español, pudiendo algamar nel Principáu esa xubida al 9,5%. "Vienen tiempos ensin dulda bien difíciles, porque esta crisis que, de primeres, foi sanitaria, dempués yá foi económica, foi llaboral y, poro, tamién una crisis social. Y esti IMV y, falando claro, esta tresferencia de dineru del Estáu a cubrir unes polítiques sociales qu'hasta agora corríen al cargu de la Comunidá Autónoma, ábrennos la puerta a un nuevu escenariu: a la puerta del refuerzu, a la puerta de poder implementar dende Asturies una partida económica a estos beneficiarios".

L'oxetivu, esplicó Ovidio Zapico, tien de ser sacar a esa población del estragal de la probeza, daqué que, añedió, puede contribuyir a la protección d'otros colectivos vulnerables. "Un IMV con un suplementu d'Asturies qu'alzara esa cantidá va ser tamién una barrera contra la precarización llaboral; va ser dignificar les condiciones d'emplegu na nuesa Comunidá Autónoma". L'ingresu y el complementu, señaló'l diputáu, conviértese asina nuna ferramienta útil tamién pal insertamientu: "nun refugamos pa nada, más bien tolo contrario, fuimos equí esta Llexislatura yá pioneros falando d'esi emplegu verde social, nun refugamos pa nada convenios col SEPEPA, nun refugamos qu'esta xente pueda, en gran midida, volver otra vegada a trabayar".

Pa IX ye necesariuo agora que dende'l Gobiernu autonómicu refuércese la coordinación cola Alministración del Estáu pa la implementación del IMV pero tamién coles Organizaciones non Gubernamentales y colos Conceyos pa procurar faer una transición rápido y ordenao" por que "naide quede tras".

Al respective de la Llei de Derechos Vitales Básicos, Zapico referíase al informe de los lletraos de la Xunta que da lluz verde a la so tramitación. "Podemos siguir tramitando una llei que ye bien esperada y bien naguada por por esti grupu parlamentariu: esperemos pero empecípiense los trabayos pa dir dando acomodu a lo que nesi informe determinase tocantes a unos artículos concretos que precisen yá un cambéu espresu".