Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

10/11/2020

IX pide que se solucionen los defectos del Radar Covid énte los problemes de los usuarios pa usar l'aplicación

Ovidio Zapico asegura que ye imprescindible llograr la operatividá por que pueda usase la ferramienta como vía pal control de la pandemia

Izquierda Xunida pidió güei que se pongan toles midíes por que l’aplicación pa teléfonos móvil "Radar Covid" empiece a funcionar y soluciónense los problemes que tán apaeciendo ente los usuarios. El diputáu Ovidio Zapico recordó esta mañana que l'anunciu de la puesta en marcha d'esta ferramienta en septiembre nun sirvió, sicasí, pa empezar a ver resultancies, daes les dificultaes de los usuarios pa poder llograr los códigos d'andada y la so xubida a la app. "Esperamos que s'implementen les midíes necesaries que toa esa ciudadanía que voluntariamente y cívicamente ta solicitando esos códigos d'activación puedan tener y la ferramienta pueda dar por fin les resultancies que naguamos por y les resultancies que'l día 12 de setiembre anunciósenos que podía llegar a consiguir", reclamó Zapico

El tamién coordinador d’IX Asturies recordó que va selmanes pidiera que s'esplicara cómo se diba a trabayar pa llograr que'l Radar Covid fora operativu y preséu n'Asturies. "Güei, un mes y una selmana dempués, nuna situación epidemiolóxica, desgraciadamente yá muncho peor que la que teníamos por aquel momentu n'ochobre, vuelvo riquir: qué ta pasando col Radar Covid na nuesa comunidá autónoma, señor conseyeru, qué fixo mientres esti mes; por qué nun se punxo en marcha, en definitiva".

Zapico reconoció que la situación nun ye fácil y que la Conseyería de Salú tien de faer frente a "munchos lladrales abiertos". Sicasí, aseguró que ye imprescindible aprovechar al máximu ferramientes que, como'l Radar Covid, puen ser importantes pa controlar la pandemia polo que, dixo, "merecen un impulsu y tamién merecen ser desenvueltes".

Volver

Compartir

2014 Izquierda Xunida d'Asturies - Política de privacidad - Política de cookies