Ángela Vallina cree que "tolo que sía inversión y creación d'emplegu ye positivu" pero reivindica la necesidá de que se defina yá un "bon modelu industrial”
Izquierda Xunida espera que'l Gobiernu d'Asturies esplique tolos pormenores del nuevu proyectu d'Amazon p'Asturies, pa poder faer una valoración real del impactu que la iniciativa va tener na economía de Siero y de la Comunidá Autónoma. La vocera parlamentaria, Ángela Vallina, esplicó esta tarde, dempués de que se diera a conocer que la multinacional empecipiara los trámites pa llevantar la so nueva see nel Principáu, que nestos momentos lo que se sabe ye poco, sacantes dellos datos entá por oldear. "Nun podemos faer entá una valoración seria porque acabamos d'enteranos polo que salió nos medios de comunicación; nun tenemos nenguna información sobre esta tema per parte del Gobiernu, eso sí, esperamos qu'en curtio convóquenos a una xunta pa esplicar na Comisión los pormenores".
A pesar de que lo que se sabe d'esti proyectu ye inda bien inciertu, la diputada destacó que "tolo que sía inversión y creación d'emplegu ye positivo, ensin dala dulda, p'Asturies".
Apueste por un bon modelu industrial
Sía que non, y más allá del impactu de la iniciativa, Vallina señaló la necesidá de que se defina, d'una vegada por toes, "un bon modelu industrial". IX apuesta porque Asturies caltenga'l so calter industrial que, hasta'l momentu, amosóse como unu de los de mayor capacidá pa garantizar un emplegu estable y calidable.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies