Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

18/02/2021

IX esixe que'l Ministeriu esplique por qué s'empeñó n'axudicar Alcoa a Riesgo

Ángela Vallina cree que l'anterior propietariu prefería esa opción porque lo que pretendía yera la lliquidación de la producción d'aluminiu n'España

IX pidió güei que s'espliquen la razones reales y peracabes poles que'l Ministeriu d'Industria decantarase pol Grupu Riesgu pa faese col control de l'antigua Alcoa. La vocera de la formación, Angela Vallina, aseguró, na Comisión d'Industria, que l'interés de los anteriores propietarios taba en liquidar les plantes de producción españoles y d’ende la so persistencia n'apostar por un treme empresarial que foi cuestionáu dende'l primer momentu poles centrales sindicales.

“Si Alcoa empeñóse tamién nesti grupu ye porque diba llevar a cabu les sos intenciones que, precisamente, son les que comentábamos equí de dexar de fabricar“, esplicó la parllamentaria.

Lo sorprendente, según Vallina, ye que s'apostara por esaniciar un sector. Nesi sentíu, preguntose escontra onde podía dir un país si s'arrenuncia a la industria: “quo vadis, España“.

“Gustaríame saber qué esplicación da la Ministra, porque equí hubo un enfotu de que fuera esti grupu. Yo faigo alcordanza de lo que se dixo a los y les trabayadores, o los sindicatos, diciendo que yera más fiable l'otru grupu“, recordó la diputada

Angela Vallina aprofió qu'en política ye necesario dar esplicaciones y reconocer erros cuando éstos se producen.

Volver

Compartir

2014 Izquierda Xunida d'Asturies - Política de privacidad - Política de cookies