Ángela Vallina pide que, énte la pasividá del Estáu frente a los bienes inmatriculados pola Ilesia, l'Alministración rexonal asuma esa responsabilidá.
Izquierda Xunida pidió güei na Xunta Xeneral que se coyera "al toru polos cuernos" en materia d'inmatriculaciones eclesiástiques pa llograr que reconózase la titularidá pública de símbolos del prerrománicu asturianu como Santuyano, San Miguel de Lliño o San Miguel de Valdediós. La vocera parlamentaria, Ángela Vallina, denunció la inconstitucionalidá de toles inmatriculaciones realizada con posterioridá a 1978 y la vulneración de la lexislación hipotecaria de les que se realizaron con anterioridá a la reforma de la Llei Hipotecaria de 1995, lo qu'esixiría que se declararen nules de plenu derechu.
Pa Vallina, el recién informe sobro les inmatriculaciones dau a conocer en febreru pol Gobiernu d'España produció-y sentimientos alcontraos: per un sitiu, la sensación d'ésitu gracies a la presión d'organizaciones civiles que llevaben 15 años esixendo esos datos, pero tamién frustración énte la pasividá del Gobiernu central, cuidando que'l mesmu informe señala la "presunta" inconstitucionalidá del mecanismu utilizáu, al fornir a la Ilesia (Católica) cola Alministración pública y a los obispos con notarios. Y ye que la imatriculación ye una prerrogativa singular que, a xuiciu de Vallina, fraya flagrantemente el preceptu constitucional d'igualdá énte la llei y l'aconfesionalidad del Estáu, al otorgar a los obispos privilexos pa "autocertificar" la titularidá de "decenes de miles de bienes ensin garantía xurídica dalguna. Por ello, añedió la diputada, en bona lóxica, esa reconocencia de non acomodación a la Constitución y la llei, " tendría de llevar apareyada la decisión d'efectuar los cambeos lexislativos oportunes pa revertir les inmatriculaciones practicaes pola Ilesia en virtú d'un privilexu predemocrático".
La Ilesia aprovechóse, gracies a esti mecanismu, de qu'un númberu perimportante de bienes nun figuraben nos rexistros de la propiedá. Frente a ello, nesos casos, enfatizó Ángela Vallina, "todos esos bienes tendríen de considerase directamente como bienes de dominiu públicu".
La vocera d'IX preguntó si'l Gobiernu d'España tenía en cartera dalgún plan pa poner fin a esta situación. Lamentablemente, respondióse Vallina, la respuesta ye negativa, n'una ctitud que, amás, aprofió supon l'incumpliendo un compromisu asumíu pol presidente Pedro Sánchez nel so discursu d'investidura. "Ta orellando l'alcuerdu ente les fuerces progresista qu'esixía la reclamación de la titularidá del dominiu p'aquellos inmuebles qu'escarecieren de títulu material o non susceptibles de propiedá privada. Esi arrenunciu fai recayer la responsabilidá de recuperar el títulu y salvaguardar la propiedá del patrimoniu histórico y cultural que güei ostenta ilexítimamente la Ilesia Católica, tanto en particulares como en Conceyos y Gobiernos autónomos", aseguró la parllamentaria..
"Tando coles mesmes, al Gobiernu d'Asturies nun-y queda más remediu que coyer el toru polos cuernos y poner manes a la obra pa recuperar el nuesu patrimoniu. Y por empezar por dalgún sitiu, empecemos polo más importante: el prerrománicu", reclamó Vallina pa quien ye imprecindible camudar delles actitúes nel senu del propiu Executivu asturianu. "Nun puede dicise, por casu, como se dixo por dalgún altu cargu d'otra Conseyería, que nel casu del prerrománicu asturianu nun consta nenguna certificación nel rexistru de la propiedá que pueda acreditar la titularidá pública. Señora Conseyera, lo que nun consta ye títulu dalgunu que pueda acreditar cualquier titularidá y, nesi casu, a lo menos al nuesu xuiciu, gana lo público".
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies