La iniciativa d'IX llogró'l consensu de tola Cámara, sacantes la estrema derecha que votó en contra de llograr esa considerancia fundamental pal sector asturianu y español
La Xunta Xeneral aprobó la propuesta de Llei d'IX pa declarar "estratéxica" la industria electrointensiva, una iniciativa qu'agora tendrá de treslladase al Congresu de los Diputaos, al tratase d'una iniciativa con vocación estatal y que forma parte de la capacidá lexislativa del parlamentu autonómicu nes Cortes d'España.
Solo la ultraderecha refugó esta declaración que'l so oxetivu ye "blindar" la viabilidá presente y futuro d'un sector clave n'Asturies.
La industria básico d'Asturies, xuntu cola d'otros llugares del estáu, ye, afirmó la vocera d'IX, "esencial pal progresu del país" Por ello, pretende asegurase la so viabilidá pa lo que'l suministru eléctricu, a precios competitivos, ye fundamental. Precisamente, los costos enerxéticos actuales son, a xuiciu de la diputada, "insostenibles" pa la industria, al igual que pa la ciudadanía. "Esi ye'l mensaxe que queremos tresmitir nesta propuesta de proposición de llei y ye el mensaxe que nos xunió a la mayoría de les fuerces d'esta Cámara y a les organizaciones sindical y empresarial y a munchos más nestos tiempos onde lo habitual ye lo contrario: la división, la polarización y l'enfrentamientu".
La propuesta d'IX reflexa, tamién, los planteamientos de l'Alianza pola Industria que, anque fala d'Asturies, esclarió Vallina, tamién supon plantegar nel Congresu que "protexa los intereses de too l'Estáu, una y bones el caltenimientu de la nuesa industria básico hiper consumidora d'eletricidá ye esencial pa la estratexa industrial española porque ensin una industria potente nun hai empléu estable, dignu, calidable y con derechos. Y ensin empléu, toos sabemos que nun hai futuru".
Tres l'almisión a trámite, la propuesta de Llei, resaltó Vallina, "tescendiónos y adquirió virtualidad propia: esta yá ye una iniciativa de la inmensa mayoría de los grupos de la Cámara y, por eso mesmu de la inmensa mayoría de los asturianos y les asturianes".
Tocantes a les enmiendes, aceptáronse les presentaes pol PSOE. Tocantes a les defendíes por Podemos, Vallina estimó'l so interés, magar nun fueron almitíes. Nesti sentíu, esplicó que, anque puedan compartir dalgunos de los sos conteníos, n'ares d'un mayor consensu "nun les vamos sofitar porque, dende la nuesa fuerza político, vien una tradición na que siempres tuvo bien claro que, lo meyor, sueli ser enemigu de lo bono y, munches vegaes, lo bono ye consiguir consensos que garanticen alcuerdos estables y duraderos anque, pa ello, haya qu'arrenunciar a afigurar les tos propies posiciones".
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies