La organización local tresllada'l so sofitu y ciñu a la familia del so compañeru, que la so trayectoria de compromisu cola clase trabayadora y la defensa de los sos derechos va ser un referente políticu de la izquierda
Izquierda Xunida de Llanes, énte la decisión del tribunal que xulgó l'asesinatu del nuesu amigu, compañeru y voceru municipal, quier nestos momentos repitir el sofitu y el ciñu a la familia de Javier Ardines.
El veredictu nun va sirvir pa devolver al nuesu collaciu pero, siquier, fai xusticia al asesinatu y condena ensin paliativos un crime execrable qu'enxamás tendría d'habese cometío.
Treslladamos tou'l nuesu sofitu y calor a la familia de Javier, de la que recordamos la figura d'un home bonu, comprometíu políticamente, col so partíu, IX; comprometíu cola clase trabayadora y cola defensa de los sos derechos y bienestar.
La figura de Javier Ardines va siguir viva ente quien lu conocimos y va siguir siendo un referente pa IX de Llanes, d'Asturies y, por toa esa trayectoria de compromisu, pa la izquierda que llucha por una sociedá meyor.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies