La vocera cree que les ponencies van ser una oportunidá pa conocer la situación real del sector industrial español y pa encetar el modelu granible nacional
La vocera d'IX na Xunta Xeneral, Ángela Vallina, y el tamién diputáu y coordinador xeneral de la formación, Ovidio Zapico, participen nes Xornaes Industria y Enerxía, entamaes por Izquierda Xunida Federal y el grupu parlamentariu de La Izquierda en Bruxeles, The Left in the European Parliament, qu'arrincaron ayeri en Torrelavega, con IU Cantabria como anfitriona. Vallina destacó qu'esta iniciativa llega en "bon momentu" teniendo en cuenta la próxima llegada de los fondos europeos y de la decisión sobro los proyectos que van acometese, pero, tamién, pa encetar qué modelu granible pretende tenese n'España y cuál va ser el papel que tendrá de tener la industria nesi modelu.
Trátase, a xuiciu de la diputada, de "una esmolición que tenemos dende toles partes del país, de toles Comunidaes", polo que destacó la importancia d'estos espacios d'analís y reflexón pa "ver los distintos problemes que tien la industria nel territoriu español y, tamién, cuánta perda d'esa industria tuvimos estos años".
Dende Asturies, tamién tán en Torrelavega, al pie de la eurodiputada d'IX Sira Rego, Leticia Gil y Roberto Ruiz, miembros tamién de la dirección d’IX Asturies.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies