Ovidio Zapico cree que la entrada n'Asturies del grupu hospitalariu Madrilanu puede amontar les situaciones de desigualdá y pide "fechos" al Gobiernu en defensa del SESPA
El diputáu y coordinador xeneral d’Ix Asturies, Ovidio Zapico, sollertó güei de los problemes de la sanidá pública asturiana y del riesgu ciertu d'un xiru escontra un modelu con mayor pesu de los servicios privaos. La próxima apertura del hospital QuironSalud supón, según el parllamentariu, "un síntoma bien esmolecedor de que la sanidá pública asturiana nun va bien y de que'l Gobiernu d'Asturies nun ta faciendo lo necesario pa defendela". Pa Izquierda Xunida, la inversión anunciada pol grupu hospitalariu madrilanu ye una "mala noticia" qu'abre la puerta a problemes adicionales para'l SESPA. Sía que non, manifestó la rocea d'IX nes consecuencies que puede suponer l'impulsu de la iniciativa privada, tantu dende la perspectiva de la xestión de los recursos humanos como porque se abrir una puerta a xenerar una atención en salú como "negociu" y definida pola capacidá económica de la ciudadanía.
La medría de la ufierta de servicios sanitarios al cargu de la sanidá ye consecuencia, a xuiciu del diputáu, de qu'empieza a haber niveles esmolecedores d'insatisfaición na ciudadanía colos servicios sanitarios emprestaos dende l'ámbitu públicu, fundamentalmente escontra l'Atención Primaria: "el nuesu sistema públicu, que yera modélicu, y qu'entá sigui saliendo bien paráu nesos indicadores a los qu'usté aludía, xenera una insatisfaición qu'empieza a tener y a traer problemes serios. Yo nun sé si esi papel secundariu de l'actividá privada al qu'usté agora mesmu aludíanos va siguir siendo secundariu, o tan secundariu, dempués de la inauguración d'una clínica ye eses característiques na nuesa Comunidá Autónoma".
Pa Zapico, hai un problema cola Atención Primaria sobremanera, y cola sanidá pública polo xeneral. Izquierda Xunida apostó por más recursos pa la rede básica, como lo demuestren los 35 millones adicionales conseñaos, a propuesta d'esta fuerza, pa la rede básica nel presupuestu de 2022. Agora, añedió'l coordinador xeneral d'IX, la “responsabilidá” ye del Gobiernu.
L'apertura d'un nuevu centru hospitalariu priváu tien tamién otres repercusiones como la que puede suponer la necesidá de más profesionales, que vendría agravar los problemes de recursos humanos pola falta de facultativos. "Hai una escasez de profesionales sanitarios, un diagnósticu que ye llargamente compartíu por tolos grupos parlamentarios nesta cámara: si agora vase a xenerar un hospital priváu que va xenerar puestos de trabayu y que una parte bien importante d'esos puestos de trabayos son de profesionales sanitarios, yo tamién pregunto lo que'l señor Ripa dicía-y antes ¿D'ónde van salir?". Y ye qu'esa mayor demanda, según Zapico, puede enzancar la capacidá del sistema públicu pa fichar nuevos profesionales o, inclusive, abrir un efectu de "tresferencia" al sector priváu.
Por si fora poco, el deterioru de la sanidá pública de la que la privada refuérzase, puede xenerar, sollertó Zapico, "síntomes peligrosos de inequidá".
Pa IX, hai enfatizado Zapico, "la puesta en marcha del Hospital de QuironSalud en Xixón ye un síntoma bien esmolecedor de que la sanidá pública asturiana nun va bien y de que'l gobiernu d'Asturies nun ta faciendo lo necesario pa defendela y empezamos a resabiar d'estos planteamientos, señor Conseyeru, y gustaríanos que con fechos, non con palabres, con fechos, pudiera demostrásenos de que podemos tar dafechu seguros de que'l sistema públicu qu'a de caminar escontra esa garantía de lo Universal va ser la fueya de ruta del so Gobiernu y que nun va haber nengún tipu d'estos problemes que-y dixi nin que va haber nengún planteamientu esmolecedor colos profesionales por cuenta de la llegada de QuirónSalud".
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies