Menu

Ángela Vallina pide a la Conseyera de Cultura la máxima vixilancia p'asegurar la vinculación y el caltenimientu n'Asturies del patrimoniu d'arte de la Obra Social

Izquierda Xunida pidió güei al Gobiernu d'Asturies la máxima vixilancia p'asegurar el caltenimientu y vinculación del patrimoniu artísticu de l'antigua Caxa d'Aforros d'Asturies, na Comunidá. La vocera de la formación, Ángela Vallina, a la vista de la falta de compromisu cola cultura y el deporte asturiano de Unicaja, nueva entidá bancaria surdida tres l'absorción-fusión con Liberbank. sollertó del riesgu de perder el control sobro un patrimoniu frutu del trabayu y l'aforru de la sociedá asturiana. "Viendo lo que vemos, ¡güeyu cola colección!, a ver lo que van faer, porque yo creo que ye ellí onde tenemos agora que poner la lente".

Pa Vallina, l'actual desentendimientu de Unicaja demuestra'l fallu del sistema, agraváu pola desapaición de la banca pública mientres el Gobiernu del Partíu Popular, na dómina de Mariano Rajoy: "toos sabemos lo que pasó; el milagru económicu ¿úlu?". Otra manera, la vocera d'IX refirióse al esfalcu" na banca pública, "trabayando a favor de la banca privada". Sía que non, ante l'escasu interés de Unicaja por caltener los sos venceyos cola rexón ,

La vocera d'IX reprochó qu'el la bancarización de Cajastur nun se fixera con cauciones pa garantizar el compromisu de sofitu cultural n'Asturies, . Tres la comparecencia de la conseyera Berta Piñán sobre la decisión de Unicaja de retirar el patrociniu a los clubes deportivos asturianos, Vallina, defendió qu'eses midíes evitaríen agora la perda d'estos sofitos a la cultura y el deporte asturiano, que llegaron con cola fusión-absorción en Unicaja de Liberbank. A pesar de ser empreses privaes, la diputada hai enfatizado qu'esi tipu de mandatos son posibles. Nesti sentíu, punxo como exemplu'l d'Asturiana de Cinc, una multinacional estranxera que nos sos estatutu afita una aportación d'un tanto per cientu pal sofitu d'actividaes nesos ámbitos nel conceyu nel que ta asitiada, como ye Castrillón, pero tamién con Avilés: "según les ganancies que llogre esi añu'l tantu per cientu va camudando y collabora tanto coles actividaes culturales como tamién deportives".

La diputada reivindicó la responsabilidá social de les empreses que, al so xuiciu, tienen de devolver a la sociedá una parte de lo que d'ella llogren. Y, entá ye más, n'entidaes como les financieres onde, aprofió, en referencia al costosísimo rescate bancariu pa les arques públiques, "hai apechugado tol mundu a pagar lo que nun teníamos que pagar, porque les ganancies, cuando les hubo, partir, pero la delda, esa yá, la socializaron".