Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

29/06/2022

聲gela Vallina anima a Barb鏮 a axustar mientres el branu pa un final de llexislatura de cam璯 al empiezu conxuntu de la siguiente

Izquierda xunida ufierta la so disposici鏮 al pactu pa sacar alantre'l presupuestu de 2023

Izquierda Xunida emplazó güei al presidente, Adrián Barbón, a llegar a alcuerdos que dexen sacar alantre'l presupuestu para 2023. La vocera parlamentaria, Ángela Vallina, llevó güei al alderique na Xunta'l pesimismu del xefe del executivu asturianu al respective de la posibilidá d'aprobar les cuentes pal próximu añu. Frente a ello, la diputada foi esplícita: "Apautemos mientres esti branu y ufiertemos un alderique d'orientación política que marque'l final d'esta llexislatura como l'empiezu conxuntu y conxuntamente (de la siguiente)".

L'oxetivu de la ufierta, esplicó Vallina, ye atayar l'intentu del Gobiernu de xustificar l'escasu enfotu n'alcuerdos remanando que los partíos, empezando por IX, tán yá na calve de los próximos comicios de mayu de 2023. "Vamos güei a poner puntu final a una idea roma que dende'l so Gobiernu ta llanzándose contra Izquierda Xunida. Dizse qu'entremos en campaña para les próximes elecciones. Y nada meyor que contestar daqué tan gruesu, non con un discutiniu, sinón con una propuesta al presidente del Gobiernu realizada equí en see parlamentaria: Queremos apautar los presupuestos del próximu añu, sía electoral, o non".

Frente al electoralismu, argumentó Vallina, Izquierda Xunida asume la responsabilidá negociadora, al igual que siempres. "Namás alloñáu del electoralismu. Y ponemos en disposición p’axustalos dende esti mesmu momentu. Nun faen falta borradores. Eso va ser pal axuste presupuestariu. Nós proponémos-y una negociación y un alcuerdu sobro la orientación política d'Asturies pa tol añu 2023. Dicho d’otra manera, preveamos una próxima llexislatura d'izquierdes y alcordemos les sos bases polítiques presupuestaries en materia, social, sanitaria, ambiental ya industrial como asuntos prioritarios".

La vocera d'IX recordó qu'en 2023 va haber qu'executar fondos europeos, un asuntu de l'abonda entidá como para nun xigaratiar. Asina, la parllamentaria hai enfatizado que ye imprescindible xuna fayadiza xestión d'estes ayudes europees que taría reñida cola prórroga presupuestaria polo qu'un "non" al presupuestu ye un escenariu descartable, siquier pa IX, atendiendo a la importancia y la responsabilidá de lo qu'esta inyección económica supón p’Asturies.

Esa predisposición al alcuerdu nun oculta, señaló la vocera d'IX, la distancia col Gobiernu de Barbón n'otres materies que, a xuiciu de Vallina, son contraries al alcuerdu d’investidura. "Discrepamos d'acciones y discursos qu'alloñen al so Gobiernu, non yá de nós, sinón del espíritu del Gobiernu central, que la so vocación, espresada pol Presidente ye ser un Gobiernu incómodu para los poderosos, para determinaos intereses empresariales. Sicasí, equí tán ustedes desenvolviendo xuna axenda empresarial que desequilibra totalmente lo qu'hai de ser l'acción d'un gobiernu socialdemócrata".

Sicasí, y entá en combate frente a esa deriva empresarial, matizó la diputada, IX ye xuna fuerza político que s'atopa na llínea del pactu y la construcción. "¡Apautemos los presupuestos! Cunta usté non yá cola vocación negociadora de los nuesos dos escaños –qué pena que nun sían más–, sinón cola de los cuatro del otru grupu de la esquierda. Asina lo espresamos conxuntamente nesta see la selmana pasada. Tien usté seis escaños colos que puede axustar, más qu'abondos pa garantizar una folgosa mayoría parlamentaria. Y repitolo: una negociación política nun precisa de borradores previos. Nun somos neófitos y munchos cuntamos con amplia esperiencia na xestión. Los pactos precieden a los borradores cuando son pactos de llargu algame, cuando son pactos con vocación de gobiernu".

L'alloñamientu col Gobiernu de les llínees maestres del alcuerdu d’investidura puede responder, según Vallina a que'l gobiernu llanzárase a la conquista del centru. "Esto sí sería una estratexa electoralista, pero amás d'inoportuna ye francamente cabileña, señor Presidente. Si unu analiza lo que ye'l centru va ver que na nuesa sociedá nun s'atopa yá un espaciu ocupáu por un partíu, sinón que ye yá un procesu políticu: la busca de la seguridá y la moderación de les polítiques públiques que busquen el cambéu. Ensin confundir moderación con tibieza o falta d'ambición tresformadora". Asina, pa Vallina l'espaciu qu'un día ocupó Ciudadanos ta yá liquidáu. y les preferencies polítiques d'aquella parte de la sociedá que la pobló" van dir empobinaes, principalmente a quien más enfotu -yos xenere pa llograr el cambéu sele pero real de les coses. "Presidente, quién quiera llevalo a llugar físicu llamáu centru políticu failo por otres razones. Esi espaciu de la sociedá busca certidume, estabilidá de les polítiques y modelu públicu. El centru ye güei una forma de llograr el tresformamientu social y non una ideoloxía concreta siempres empresta, pola inconsistencia de la so praxis, a la so disolución. El centru, por tanto, ye la conducción del cambéu que la sociedá demanda y al qu'IX ta dispuesta a allegar por aciu la negociación, el pactu y l'alcuerdu, entá nun siendo d'una fuerza de centru. Esi sería'l so verdaderu asentamientu nel centru sociolóxicu".

Sicasí, reprochó la vocera d'IX, onde ta diendo'l gobiernu ye "cenciellamente" a la derecha empresarial y a la perda de la mesma identidá: "Ende nun podemos acompaña-y"

Volver

Compartir

2014 Izquierda Xunida d'Asturies - Política de privacidad - Política de cookies