Ovidio Zapico cree que'l sector ta maduru pa implementar una tasa empobinada a garantizar la sostenibilidá
Izquierda Xunida Asturies pidió güei que se cree d'una vegada por toes la mesa p'axustar la ecotasa nel sector turísticu. El coordinador xeneral de la formación y diputáu, Ovidio Zapico, y la vocera Parlamentaria, Angela Vallina, ufiertaron esta mañana una rueda de prensa na que plantegaron la necesidá d'implementar, al igual qu'otres comunidaes autónomes y países una tasa que dexe financiar proyectos xeneradores d'emplegu rellacionaos cola sostenibilidá ambiental . Según les previsiones de la formación, podríen recaldase siquier 3 millones d'euros cada añu, que'l so destín sería finalista n'acciones de meyora de celdes, tresporte ecolóxicu en determinaes árees o aprovechamientos activos en recursos como'l Sella.
La propuesta, aseguró Zapico, nun ye nueva y la formación lleva años tratando de qu'Asturies ponga en marcha un modelu que yá sía esperimentáu n'otros llugares y ensin nengún perxuiciu pal sector turísticu y, sicasí, con beneficios pa la xestión medioambiental. Ello ye que na última negociación presupuestaria yá se plantegara, magar nun foi posible. “Vamos otra vegada a volver aportunar. Yo creo que lo faemos respondíos polos datos turísticos de lo que ta siendo'l branu de la nuesa comunidá autónoma: toos coinciden en señalar que son escelentes; al dicir les distintes alministraciones, tamién los empresarios, cola patronal. Y, por tanto, yo creo que ye una sociedá que'l turismu, que'l sector turísticu na nuesa comunidá autónoma ta abondo consolidáu, que'l sector ta abondo maduru pa poder encetar la ecotasa”
Tratase de realizar una ecotasa que la so recaldación sería finalista con proyectos d'emplegu dientro del propiu sector turísticu, pero empobinaos a la protección medioambiental, y al caltenimientu de la marca “paraísu natural”, con una atención especial a los Conceyos que, esplicó Zapico, n'ocasiones tán obligaos a caltener espacios protexíos, sableres y otres infraestructures municipales ensin más sofitu qu'el de los sos propios presupuestos.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies