La vocera parlamentaria d'IX y la candidata de Podemos Asturies analizaron la coxuntura d'Asturies y los retos a curtiu y mediu plazu, tres les elecciones de 2023
La vocera parlamentaria d'IX na Xunta Xeneral, Ángela Vallina, y la candidata de Podemos Asturies, Cuadonga Tomé, coincidieron güei na necesidá de buscar soluciones dende la esquierda pa dar respuesta a los retos a los que s'enfrenta Asturies al curtiu y al mediu plazu, tres les próximes elecciones de 2023. L'alcuentru, que se celebró a pidimientu de Tomé y el so equipu, encetó la coxuntura asturiana, dende la negociación presupuestaria a la necesidá de reforzar la sanidá pública o la puesta en marcha de midíes pa defender el futuru de la industria. Nesti alcuentru tamién participaron el númberu 2 d'esta llista, Xune Elipe, y el coordinador del grupu parlamentariu d'IX, Jorge Pardo.
Xune Elipe resaltó'l trabayu conxuntu que dambes fuerces desenvolvieron en distintos territorios como Castrillón o Avilés que, al so xuiciu, pueden ser exemplu de formes diverses de collaboración. Ello ye que pal númberu dos de la candidatura de Podemos, esti alcuentru ye "el primer contactu" pa encarar la próxima llexislatura con un polu a la izquierda de la Federación Socialista Asturiana (FSA).
Al respective de posibles pactos electorales, a entrugues de la prensa, Ángela Vallina esplicó que la xunta nun encetó nenguna cuestión relativa a una decisión que, dixo, nun depende del grupu parlamentariu sinón de la organización. "Yo soi vocera parlamentaria y falo sobre los asuntos parlamentarios. Esto ye una decisión que va tomar la organización, la dirección de la organización cuando crea oportuno, cuando abra'l procesu".
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies