Menu

El candidatu esplica na Cámara de Comerciu la importancia de llograr una capitalidad qu'aproveche comerciu de proximidá, patrimoniu cultural y actividá económica que dexe vivir y trabayar nel conceyu

El candidatu de confluencia a l'Alcaldía d'Uviéu, Gaspar Llamazares, defendió güei el diálogu y la collaboración" interinstitucional y política p’asegurar el futuru de la ciudá, recuperándola y convirtiéndola nuna exa pal desenvolvimientu sostenible. "La nuesa idea fundamental de campaña ye un compromisu en redol a un modelu de ciudá que, agora, diose en denominar la ciudá de los 15 minutos, onde se descentralice l'alministración municipal a los distritos, a los barrios, onde haya un comerciu de proximidá, onde, tamién, l'automóvil dexe'l pasu al trasnporte públicu y a caminar y a faer una ciudá, amás d'abarcable como Uviéu, una ciudá atenta".

Gaspar Llamazares y la vocera parlamentaria d’IX Asturies, Ángela Vallina, aprovecharon esta mañana l'alcuentru col presidente de la Cámara de Comerciu d'Uviéu, Carlos Paniceres, pa defender esti modelu urbanu. "Espliquemos la nuesa posición con respectu al futuru d'Uviéu y, en bona midida coincidimos con que la prioridá fundamental, nestos momentos ye rellanzar l'actividá, rellanzar l'emplegu y eso significa, nun momentu de transición complicáu, porque hai un momentu de transición a nivel global y qu'impacta sobro Uviéu, pos apostar tamién por esti tipu de midíes qu'aprovechen lo meyor d'Uviéu dientro de l’Área Metropolitana". Les sinerxes y capacidá d'atracción de la Universidá, el patrimoniu artísticu o'l texíu comercial tienen de ser, a xuiciu de la cabeza del modelu de desenvolvimientu pa la capital asturiana.

L'alcuentru, según el presidente de la Cámara de Comerciu, tenía por oxetu intercambiar criterios sobro los retos que tendrá d'encarar la ciudá nel curtiu, mediu y llargu plazu. "Creo que foi un diálogu constructivu, onde compartimos criterios de coses y qué entendemos por onde pasa'l futuru d'esta ciudá y cual ye'l retu. Ello ye que yo creo que güei hubo una coincidencia onde creemos que, precisamente, tener más actividá económica y más emplegu ye unu de los retos d'esta ciudá".