Menu

Zapico y Manzano creen que l'Alianza pola Industria foi esbardiada por un Gobiernu y un PSOE abúlico na materia y más pindia de llegar a consensos con sectores empresariales particulares

El candidatu de Convocatoria per Asturies cree que les encuestes constaten "vientos favorables" para la so propuesta y amuésase confiáu en superar a Podemos en municipales y autonómiques

El secretariu d'Industria de CCOO d'Asturies enfea por demagóxiques les declaraciones "desafortunaes" de Canga nuna sobremesa sobre una vuelta d’Alcoa: "lo interesante yera que los nuesos políticos esmoleciérense más por que nun cerrase, que por que volviera abrir"

El coordinador xeneral d’IX Asturies y candidatu de Convocatoria per Asturies a la Presidencia del Principáu, Ovidio Zapico, reprochó güei l'ausencia total de política industrial", daqué no que tamién coincidió'l secretariu xeneral de CCOO de Industria Asturies, Damián Manzano. Frente a la abulia del Gobiernu socialista na materia, el dirixente defendió un cambéu d'aldu: "la industria tien que ser la ferramienta, la meyor ferramienta, frente a la despoblación, la meyor ferramienta pa combatir esi gran problema que tenemos n'Asturies que ye'l retu demográficu. Tenemos un millón de razones, tantos como asturianos y asturianes dexemos de ser, pa impulsar la industria como esi sector estratéxicu que tien que tirar non yá de la nuesa economía, tamién de la nuesa demografía".

Nuna xunta cola directiva de la federación d'industria de Comisiones, tamién s'encetó la transición enerxética: "siguimos reivindicando que sía xusta, porque n’Asturies, n'ensame d'ocasiones, nun lo foi, nin con territorios, nin lo foi cola clase trabayadora asturiana. Y esi conceutu de transición enerxética xusta ye una reivindicación que vamos siguir llevando hasta que veamos que, efectivamente, si adquier esi conceutu de xusticia social y de xenerar de nuevu oportunidaes, empléu, tantu como dicir vida".

Damián treslladó na xunta les moliciones de CC OO d'Industria d'Asturies de cara a la próxima llexislatura. Nesti sentíu, quixo reconocer "que n'IX siempres atopamos un interlocutor válidu, y daqué muncho más pervalible pa el trabayadores y trabayadores , que ye un firme aliáu nesa defensa de los intereses de la clase trabayadora n'Asturies; nunos casos énte la perda d'empléu, n'otros pa consiguir lleis". Un exemplu, señaló'l responsable sindical, foi la llei pa declarar estratéxica la industria electrointensiva, un proyectu que foi " treslladáu, nacíu, creáu y concebíu n'Asturies por iniciativa d'IX, de declarar como estratéxica la industria electrointensiva. Pa nós, pa CCOO d'Industria d'Asturies, ye un exemplu de política real centrada nos intereses de la clase trabayadora y non n'otros intereses que, en concencia, nun correspuenden colos nuesos. Creemos que les formes de faer política, porque somos un sindicatu y somos una organización de calter sociopolítico, tienen que ser daqué más que dir ponese la camiseta del conflictu de vez a la puerta de les empreses cuando hai un zarru o cualesquier otru conflictu llaboral". Frente a ello, defendió polítiques reales y midíes reales que dexen caltener y ameyorar los puestos de trabayu.

Un referente pa trabayadores de cara a les urnes

De cara a la próxima llexislatura, el secretariu xeneral de CCOO d'Industria d'Asturies, amosó'l so enfotu en que "dende les fuerces polítiques progresistes, como ye esquierda Xunida, que lo son de primera mano y non fotocopia, nesta cita electoral el trabayadores tengamos un referente de cara a allegar a les urnes".

El sector industrial y l'empléu que xenera, pa Manzano, "ye absolutamente vital". Por ello volvió pidir una Llei d'Industria estatal, coles ferramientes necesaries pa garantizar estabilidá.

En dambos casos, considérase que se desperdició l'Alianza pola Industria, que, en palabres del líder d'Izquierda Xunida, "foi xuna ferramienta, desgraciadamente, fallida; nun se da la participación que se merecen a los sindicatos nel diseñu de la política industrial de la nuesa comunidá, y esto ye daqué ye un compromisu yá, dende esti momentu, firme d'IX, de Convocatoria per Asturies pa la próxima llexislatura; participación directa de los sindicatos de el trabayadores nel diseñu de la política industrial".

Ovidio Zapico criticó tamién qu'iniciatives como la impulsada, a instancia d'IX, col sofitu de la Xunta Xeneral, d'una proposición de llei pa declarar estratéxica la industria nel Congresu de los diputáu, siga "nel caxón y nun tenga la tramitación que nós creemos que se merez y que queremos impulsar nestos meses que queden de llexislatura".

Pa Zapico, la situación nun ye frutu de la casualidá, sinón porque'l Partíu Socialista tuvo bien cómodu texendo aliances con determinaos sectores empresariales y, frutu d'eses aliances, surdieron lleis como la Llei de calidá Ambiental y constatáronse meyores que respuenden a intereses empresariales y non a intereses d'Asturies como Comunidá. Y esto ye lo que nos llevó a esa ausencia de política industrial. Hai un sector del empresariáu asturianu que sabe que Diego Canga nun va ser el presidente d'Asturies y que, entós, deliberadamente, busca esta alianza col Gobiernu d’Adrian Barbón pa siguir potenciando esos intereses. Y eso ye lo que, precisamente, dende IX, dende Convocatoria per Asturies, queremos romper nes próximes elecciones.

Y ye que, aseguró'l candidatu de Convocatoria per Asturies, nos comicios de mayu nun se va determinar un gobiernu conservador presidíu por Canga: "nes próximes elecciones va determinase la pluralidá del Gobiernu, non que'l Gobiernu tenga un dirección política determinada, qu'eso ta claru; la derecha nun va gobernar n'Asturies".

Encuestes y elecciones

Al respective de les encuestes y previsiones pa mayu, Zapico aseguró que les meyores que se tán ufiertando "marquen xuna enclín" que constata qu'esisten "vientos favorables" pa IX y Convocatoria per Asturies, que, amosóse convencíu, van superar a Podemos, tantu en municipales como autonómiques.

Nel marcu de la precampaña, Damián Pumar punxo en cuestión les declaraciones del candidatu del PP Diego Canga, quien nel marcu de la Comida na Cai d'Avilés aseguró que trataría de llograr el regres de Alcoa: "lo interesante yera que los nuesos políticos esmoleciérense más por que nun cerrase, que por que volviera abrir". Y ye que, ironizó'l líder sindical, "la mesma versión escuchar n'otros casos: "gustaríanos que con un colectivu de trabayadores que va cumplir el próximu primeru de mayu un añu del so despidu, qu'inda nun vieron nin un duru de les sos indemnizaciones, que nin siquier el FOGASA ta dexándo-yos el derechu d'aportar a les prestaciones que-yos correspuenden, que nun s'utilizara esa demagoxa al calor d'una comida na cai, de manera bien poco afortunada, porque les conxustes de sobremesa, yá se sabe, dacuando son peligrosísimes, asina que Diego Canga que tenga cuidadín colo que diz".