Al navegar por esta web acepta la utilización de cookies para análisis y personalización
Saber más    

Noticies Toles noticies d´IX

23/01/2024

Ovidio Zapico anuncia la inmediata actuación en La Maletería por 6,3 millones

L'edificiu va allugar 29 viviendes d'arriendu social y un centru asistencial pa mayores

El conseyeru d'Ordenación de Territoriu, Urbanismu, Vivienda y Derechos Ciudadanos, Ovidio Zapico, tres una xunta col alcalde d'Uviéu, Alfredo Canteli, anunció la inmediata llicitación pa la reforma del vieyu edificiu de La Maletería, en San Llázaro. La contratación de les obres, dixo, va salir "yá" y va dexar la construcción de 29 viviendes d'arriendu social y un centru asistencial pa mayores con 70 places que se va allugar na planta baxa. La previsión ye que les obres concluyan pa xunetu de 2026.

La intervención va dexar dar una segunda vida a un inmueble zarráu y ensin usu dende 2010, pa lo que se preve una inversión de 6.3 millones d'euros. Según el pliegu de condiciones, la obra tien de garantizar, a lo menos el caltenimientu de tol frente del edificiu, incluyendo la fachada principal y bona parte de la so zona verde.

A partir d'esi mínimu de preservación, van primase los proyectos quuen un caltenimientu más ambiciosu del actual edificiu, y les que se decanten por más espacios verdes. En La Maletería, volverá optase al traviés del denomináu "derechu de superficie", que supón que quien gane'l concursu va asumir el so financiamientu y, a cambéu, va llograr la so xestión mientres 75 años so supervisión del Principáu que, tres esi períodu, volverá recuperar el plenu dominiu. El proyectu va movilizar una inversión de casi 6,3 millones, de los que 1,4 correspuenden a fondos Next Generation de la Unión Europea, siendo los 4,9 restantes apurríos pol ganador de la llicitación.

El Conseyeru d'Ordenación del Territoriu, Urbanismu, Vivienda y Derechos Ciudadanos destacó que se trata d'un proyectu compartíu dafechu pol Gobiernu d'Uviéu y por colectivos vecinales, nun procesu d'escucha y negociación que dexó superar les torgues que fueron surdiendo y que redundaron nuna iniciativa clave, dada , "importancia que tien pal barriu y la ciudá". Zapico señaló que, más allá de diferencies ideolóxiques, esiste una relación "bien fluyida" col alcalde, Alfredo Canteli, y que, nesi marcu, podrán encetase otres cuestiones importantes de cara al futuru del conceyu.

Volver

Compartir

2014 Izquierda Xunida d'Asturies - Política de privacidad - Política de cookies