Menu

La diputada del grupu parlamentariu d'Izquierda Xunida-Bloque por Asturies-Los Verdes de la Xunta Xeneral del Principáu, Noemí Martín González, denunció güei l'enfotu privatizador de los nuevos responsables del ERA, dependiente de la Conseyería de Bientar Social, que al so xuiciu “supón una nueva quiebra de la orientación cola que se gobernó l'anterior llexisllatura,”, en referencia a la intención denunciada polos sindicatos de privatizar el serviciu de llavandería de la residencia Santa Teresa d'Uviéu.

La diputada afirma que los nuevos responsables de bientar social tan cargándose los llogros anteriores

La diputada del grupu parlamentariu d'Izquierda Xunida-Bloque por Asturies-Los Verdes de la Xunta Xeneral del Principáu, Noemí Martín González, denunció güei l'enfotu privatizador de los nuevos responsables del ERA, dependiente de la Conseyería de Bientar Social, que al so xuiciu “supón una nueva quiebra de la orientación cola que se gobernó l'anterior llexisllatura,”, en referencia a la intención denunciada polos sindicatos de privatizar el serviciu de llavandería de la residencia Santa Teresa d'Uviéu.

La diputada señaló qu'esti fechu ye una nueva vuelta de tuerca del Gobiernu na política de desmantelar y cargase los llogros de los anteriores responsables de la Conseyería de Bientar Social y, ente ellos, el de garantizar un emplegu públicu y de calidá na xestión de los servicios públicos. “Resulta vergoñosu ya indinu que un gobiernu que presume de ser d'izquierdes privatice servicios hasta agora públicos pa destinalos a empreses privaes cuyu únicu enfotu ye'l de facer caxa a costa de los ciudadanos”, afirmó Martín.

“La privatización supondrá una disminución de la calidá de la prestación, un deterioru de les condiciones llaborales de les trabayadores y trabayadores y, frente a lo que dicen los nuevos responsables, una xuba de los costes pa les arques públiques”, señaló la diputada de la coalición. Noemí Martín anunció la presentación de varies entrugues parlamentaries pa que'l Gobiernu esplique la midía y nun descartó pidir la comparecencia de los responsables del ERA na Xunta Xeneral del Principáu cuando se reanude el prósimu periodu de sesiones.