Menu

Jesús Iglesias, candidatu d'IX-BA-Verdes a la presidencia del gobiernu autonómicu, Ángel López, direutor xeneral de Salú Pública y Planificación del Gobiernu asturianu y Valentín Pérez, de Los Verdes d'Asturies, presentaron esta mañana'l programa de la coalición dedicáu a la salú. Jesús Iglesias confirmó les diferencies programátiques d'IX-BA-Verdes frente a los de PP y PSOE en materia de salú. Mientres la llínia del PP ye la de la privatición del modelu de xestión, el PSOE tien un modelu que dio bonos resultaos, anque escesivamente profesionalizáu y basáu nun modelu funcionarial.

Jesús Iglesias, candidatu d'IX-BA-Verdes a la presidencia del gobiernu autonómicu, Ángel López, direutor xeneral de Salú Pública y Planificación del Gobiernu asturianu y Valentín Pérez, de Los Verdes d'Asturies, presentaron esta mañana'l programa de la coalición dedicáu a la salú. Jesús Iglesias confirmó les diferencies programátiques d'IX-BA-Verdes frente a los de PP y PSOE en materia de salú. Mientres la llínia del PP ye la de la privatición del modelu de xestión, el PSOE tien un modelu que dio bonos resultaos, anque escesivamente profesionalizáu y basáu nun modelu funcionarial.

IX-BA-Verdes, en pallabres de Jesús Iglesias, propón una batería de midíes que caminen na direición de reforciar la opinión de los ciudadanos, como la clave de bóveda del sistema sanitariu, convirtiendo los Conseyos de Salú en verdaderos muérganos de participación, cola posibilidá de cesar o nomar xerentes nas estayes sanitaries.

IX-BA-Verdes va proponer seis planes pa qu'un sistema de salú complexu, como l'asturianu, cuente con preseos de direición claros. 1. Plan de Sostenibilidá Financiera del Sistema Sanitariu:2. Plan Asturianu d'Infraestructures Sanitaries 3. Plan Asturianu de Teunoloxía Sanitaria. 4.Plan Asturianu d'Información. 5. Plan Asturianu de Xestión de Conocencia. Plan Asturianu de Xestión de la Conocencia. 7. Plan Asturianu de Calidá Sanitaria.

Nel marcu llexislativu IX-BA-VERDES va afalar cuatro lleis: Llei del Serviciu de Salú d'Asturies, Llei de Drechos y Deberes de los ciudadanos en rellación al Sistema Sanitariu, tresformación del Centru Comunitariu de Sangre y Texíos n'institución pública dependiente del SESPA y Llei de creación del Ente Asturianu d'Investigación Biosanitaria.

Jesús Iglesias tamién adelantó que la coalición va promover na fastera central d'Asturies que cada médicu d'atención primaria tenga un cupu de 1.500 cartielles, como máximu, pa meyorar el tiempu dedicáu a cada paciente. IX-BA-Verdes inclúi nel so programa eleutoral facer obligatoria la convocatoria añal de places vacantes nel SESPA a partir de 2008, la
implantación de la xerencia única por área sanitaria como prevé l'actual Llei del Sespa, la creación del Ente Asturianu d'Investigación Sanitaria y la potenciación n'Atención Primaria del papel de los profesionales médicos y personal d'enfermería na promoción d'estilos de vida saludables.

Jesús Iglesias fizo especial cincapié en que nel añu 2010 IX-BA-Verdes implantará la receta lletrónica en 2010 y en 2008 la cita hospitalaria va ser a hora cierta. Del mesmu mou, la coalición va crear una unidá d'atención ciudadana pal sofitu a los pacientes y families que tengan que desplazase fuera d'Asturies a recibir atención sanitaria ya impulsará un modelu de cooperación internacional propiu del sistema sanitariu qu'implique la realización d'intervenciones sanitaries cocretes n'Asturies y que lleve consigo la puesta en marcha d'actuaciones sanitaries paraleles y solidaries notres rexones sodesenrollaes del mundiu.

Angel López, direutor xeneral de Salú Pública y Planificación del gobiernu asturianu, solliñó la necesidá de que'l sistema sanitariu asturianu, que tien unos  niveles importantes de caldidá yá, tenga una reforma esturctural que necesita na que'l ciudadanu tenga una participación direuta y se convierta nos verdaderos decisores del sistema. "Asina va facese que nun se pierda'l tren del futuru", dixo Ángel López.

Propuestes d'IX-BA-Verdes en materia de Salú >>