Menu

Jesús Iglesias, candidatu d'IU-BA-Verdes a la presidencia del gobiernu autonómicu, participó esta mañana nel balance de gobiernu d'IU-BA-Verdes de Xixón fechu en formatu video. Jesús Iglesias ponderó'l trabayu fechu pol grupu municipal durante la última llexisllatura y aseguró que'l proyectu de Xixón “ye'l meyor visu de lo que tien que ser Asturies, mui distintu al Uviéu de Gabino de Lorenzo que propón la derecha”.

Jesús Iglesias, candidatu d'IU-BA-Verdes a la presidencia del gobiernu autonómicu, participó esta mañana nel balance de gobiernu d'IU-BA-Verdes de Xixón fechu en formatu video. Jesús Iglesias ponderó'l trabayu fechu pol grupu municipal durante la última llexisllatura y aseguró que'l proyectu de Xixón “ye'l meyor visu de lo que tien que ser Asturies, mui distintu al Uviéu de Gabino de Lorenzo que propón la derecha”.

“El gobiernu que meyor funcionó n'Asturies y en Xixón ye'l gobiernu de coalición. Los gobiernos con mayoría absoluta del PSOE y del PP fueron un fracasu”, aseguró'l candidatu a la presidencia del gobiernu asturianu en Xixón. Jesús Iglesias abogó por un gobiernu de la izquierda plural, con posibilidá de condicionar polítiques que verdaderamente solucionen los problemes de los ciudadanos. Les polítiques de vivienda d'IU-BA, con más de 15.000 viviendas na rexón y el salariu social son namás que dos de los exemplos del llabor fechu nos últimos cuatro años. Del mesmu mou, IU-BA llogró aparar la construcción de la presa de Caleio y el fornu incinerador de Cogersa, dos actuaciones escontra el mediu ambiente asturiano.

Jesús Iglesias tamién respundió a les declaraciones de Álvarez Areces nes qu'afirmaba que falaba más “bable” que munchos de los que pidíen la cooficialidá. Ante tales afirmaciones, Jesús Iglesias acordó qu'Aznar tamién falaba catalán na intimidá y qu'Álvarez Areces probablemente tamién fale asturianu na intimidá. “Del mesmu mou, renembré qu'Aznar falaba catalán na intimidá cuando nun tenía mayoría absoluta y necesitaba negociar con Convergencia i Unió”, dixo Jesús Iglesias.