Menu

IU-BA-Verdes d'Asturies va duplicar los recursos económicos destinaos a les polítiques sociales na prósima llexisllatura. Esti ye'l mensaxe caberu que treslladó'l candidatu a la presidencia del gobiernu asturianu de la coalición, Jesús Iglesias, nel alcuentru con mayores que tuvo llugar n'Uviéu. Jesús Iglesias esplicó les llínies centrales de la propuesta de IU-BA-Verdes pa estos comicios ellectorales, que ta basada caberamente en: na creación de 2.000 plazes públiques residenciales, 500 plazes públiques residenciales pa persones con discapacidá o enfermedá, la puesta en marcha de 5.000 plazes públiques d'atención domiciliaria con elevada intensidá horaria y l'aprobación de 7.000 prestaciones económiques pa Dependencia, amás de la estensión a tolos conceyos d'Asturies del programa “Frayando Distancies”. Estes propuestes tan amestaes a la xuba del salariu social que tamién sirve como complementu retributivu a persones con rentes baxes.

Jesús Iglesias asegura que la coalición va duplicar el gastu destináu a les polítiques sociales

Laura González califica de “demagogia” y “engañu” dicir que se van a eliminar les listes d'espera pa una plaza nuna residencia

IU-BA-Verdes d'Asturies va duplicar los recursos económicos destinaos a les polítiques sociales na prósima llexisllatura. Esti ye'l mensaxe caberu que treslladó'l candidatu a la presidencia del gobiernu asturianu de la coalición, Jesús Iglesias, nel alcuentru con mayores que tuvo llugar n'Uviéu. Jesús Iglesias esplicó les llínies centrales de la propuesta de IU-BA-Verdes pa estos comicios ellectorales, que ta basada caberamente en: na creación de 2.000 plazes públiques residenciales, 500 plazes públiques residenciales pa persones con discapacidá o enfermedá, la puesta en marcha de 5.000 plazes públiques d'atención domiciliaria con elevada intensidá horaria y l'aprobación de 7.000 prestaciones económiques pa Dependencia, amás de la estensión a tolos conceyos d'Asturies del programa “Frayando Distancies”. Estes propuestes tan amestaes a la xuba del salariu social que tamién sirve como complementu retributivu a persones con rentes baxes.

"Demostramos que ye posible subir el gastu social ensin que suponga denguna catástrofe como aseguraben dalgunos agoreros", aseguró'l candidatu d'IUBA- Verdes, pa darréu, apostar por un aumentu d'estes polítiques pa los prósimos cuatro años, faciendo inversiones realistes que meyoren la situación de los asturianos.

Jesús Iglesias tuvo acompañáu nesti actu por Laura González, Conseyera de Vivienda y Bienestar Social, quien fizo un repasu de les inversiones y el trabayu fechu nel so departamentu durante la última llexisllatura. González ufrió dalgunos datos comparativos que sirven pa explicitar l'interés d'IU-BA Verdes pola meyora sustancial de la política social. En 2003, Asturies contaba con 2.726 plazes nes residencies del ERA. Al final d'esti año les plazes públiques van ser 4.402, 1.676 plazes iguaes nestos cuatro años, un incrementu del 60%.

El númberu de residencies tamién subió na última llexisllatura. Les residencias Clara Ferrer, Los Canapés, Arriondes, Mieres, Salas, Teverga y Villanova d' Ozcos entamaron a prestar los sos servicios, demientres que tan en marcha les de Xixón (apartamentos y residencia), La Tenderina (Uviéu), Pola de Siero (Siero), Sotrondio (Samartín del Rei Aureliu), Fundoma (Uviéu), Cuideiru, San Lázaro (Uviéu, en proyectu. Del mesmo mou, ampliáronse o ta en proyectu les residencies de: Noreña, Serantes, Pravia, Belmonte, Arriondes, Tineo, Quirós, Navia (en proyectu) y Teverga (en proyectu).

El presupuestu inicial pa Establecimientos Residenciales Asturianos yera en 2003 de 41 millones d'euros, en 2007 son 86 millones con un incrementu del 109%. Laura González, Conseyera de Vivienda y Bienestar d'Asturies, aseguró qu'IU-BA-Verdes nun va facer demagogia ellectoral coles plazes de residencies d'ancianos. "Dicir que se va suprimir la llista d'espera nes residencies ye demagógicu", dixo la Conseyera. El compromisu d'IU ye baxar les listes d'espera. “Ya lo ficimos y vamos a siguir faciéndolo, pero asegurar que se van quitar les listes d'espera ye engañar a la xente”, explicó Laura González nel Hotel AC Forum d'Uviéu.

Prensa IU d'Asturies