Menu

Pa Izquierda Xunida / Bloque por Asturies / Los Verdes: La llexislatura que termina ye hestórica no social. Púnxose en marcha’l  Sistema Públicu de Servicios Sociales, reconocencia de drechos sociales de les persones y de les garantíes públiques pal so cumplimientu, que se materializa na aprobación socesiva d’un marcu llexislativu nuevu coherente con esos oxetivos.

Pa Izquierda Xunida / Bloque por Asturies / Los Verdes:

• La llexislatura que termina ye hestórica no social. Púnxose en marcha’l  Sistema Públicu de Servicios Sociales, reconocencia de drechos sociales de les persones y de les garantíes públiques pal so cumplimientu, que se materializa na aprobación socesiva d’un marcu llexislativu nuevu coherente con esos oxetivos.

• Incrementóse notablemente’l nivel y la intensidá de la ufierta de servicios y prestaciones, tamién la inversión nueva nos equipamientos necesarios, al traviés de la utilización d’un instrumentu normativu, el Mapa de Servicios Sociales, destináu a facilitar la so accesibilidá pa tola xente con independencia de la so residencia o los sos recursos particulares.

• La PRÓXIMA LLEXISLATURA va ser la qu’afite l’Asturies social del sieglu XXI. Pa ello, amás de la reforma estatutaria que garantice’l calter suxetivu del Salariu Social y del restu de prestaciones sociales básiques, modificaráse la Lley de Servicios Sociales del Principáu d’Asturies pa regular les condiciones, los requisitos y los plazos que garanticen esi drechu universal de tolos asturianos y asturianes, y convertir asina les conquistes sociales nun rasgu definitoriu del nuesu sistema de convivencia.

• Impulsaremos la creación d’un nuevu organismu públicu pa xestionar los servicios sociales autonómicos, garantizando mayor eficacia y eficiencia. L’oxetivu ye la universalización de les prestaciones y servicios, poniendo fin al modelu tradicional d’organización de los servicios en función de coleutivos y desenrrollando unu nuevu carauterizáu global e integral.

• Afalaremos la participación social pa implicar al conxuntu de los ciudadanos y ciudadanes nel oxetivu d’afalar, defender y xestionar l’exerciciu de los drechos sociales como auténticos drechos de ciudadanía.

• Pa la llexislatura 2007 a 2011 los retos nun son pequeños. Correspuende desenrrollar y afitar el Sistema Públicu de Servicios Sociales en tolos sos ámbitos d’actuación: la promoción de l’autonomía personal y l’atención a les persones dependientes, la promoción de la participación social, la garantía d’igualdá de les persones y la llucha escontra la esclusión social, pa lo qu’aumentaremos progresivamente los presupuestos destinaos a la política social hasta DUPLICAR LOS ACTUALES RECURSOS PA DESENRROLLAR UN AMBICIOSU PROGRAMA D’ACTUACIONES.

• Adautaremos el conxuntu de prestaciones y servicios públicos a los principios de la RECONOCENCIA CON CALTER UNIVERSAL DE DRECHOS SOCIALES.

• Impulsaremos la participación social nel diseñu, evaluación y xestión de les polítiques sociales nel ámbitu de la Comunidá afalando’l desenrrollu del “tercer sector “ y aprobando un PLAN DE VOLUNTARIÁU Y SERVICIU CIVIL nel qu’heba midíes pala so incentivación y promoción. Pa tal fin crearemos l’Institutu Asturianu de Voluntariáu y Serviciu Civil.

• Vamos aprobar enantes del final de 2007 un plan autonómicu y llocal d’inversiones públiques n’infraestructures, equipamientos y dotaciones téuniques que garanticen materialmente’l cumplimientu de los drechos sociales de les persones ensin importar el so llugar de residencia o nivel de recursos propios.

• Nel ámbitu de l’ATENCIÓN A LA DEPENDENCIA desemrrollaremos el  programa que va darréu:

• Creación de 2.000 places públiques residenciales xeriátriques pa persones con dependencia elevada.
• Creación de 500 places públiques residenciales con necesidaes especiales de discapacidá o enfermedá mental cola puesta en marcha de 10 residencies pequeñes y 40 viviendes tutelaes.
• Creación de 2.000 places públiques d’atención diurna pa persones con menor grau de dependencia de les que 30 Centros de Día y 40 Centros Rurales d’Apoyu Diurnu (CRAD).
• Creación de 5.000 places públiques d’atención domiciliaria con elevada intensidá horaria y diversificación de servicios pa persones dependientes que faciliten el caltenimientu nel so entornu propiu.
• Creación de 10.000 nuevos servicios de teleasistencia pa persones dependientes.
• Aprobación de 7.000 prestaciones económiques pal pagu de servicios personales y d’apoyu a cuidadores familiares.

Nel ámbitu de la llucha escontra la ESCLUSIÓN SOCIAL:

• Evaluaremos el Plan autonómicu d’Inclusión 2006-08 y vamos aprobar unu nuevu pal periodu  2009-11 nel que van contenese les midíes de refuerciu de la rede básica de servicios sociales xenerales, de garantía d’ingresos mínimos (SSB), asina como midíes destinaes a coleutivos con especiales dificultaes d’inserción social.

• Vamos elevar el nivel retributivu del Salariu Social Básicu pa una garantía d’ingresos d’ente’l 45% y el 50% de la mediana d’ingresos.

• Vamos aprobar un Plan Integral d’inmigración col oxetivu fundamental de la integración social, cultural, sanitaria, llaboral y económica y la estensión de la proteición social a esti coleutivu con independencia de la so situación alministrativa.