Menu

Jesús Iglesias, Coordinador Xeneral d’Izquierda Xunida d’Asturies; Alberto Tirador, responsable de Política Municipal y Francisco Vázquez, cabeza de llista d’IX pol Oriente d’Asturies a la Xunta Xeneral del Principáu d’Asturies caltuvieron una xunta informativa cola Plataforma Vecinal de Lluces pa falar de la situación de la rasa costera amenazada por un gran proyectu de construcción 300 viviendes y un campu de golf promovíu pol grupu  Masaveu, nunos dos millones de metros  que la mayor parte según aseguren los vecinos son terrenos comunales.

Jesús Iglesias, Coordinador Xeneral d’Izquierda Xunida d’Asturies; Alberto Tirador, responsable de Política Municipal y Francisco Vázquez, cabeza de llista d’IX pol Oriente d’Asturies a la Xunta Xeneral del Principáu d’Asturies caltuvieron una xunta informativa cola Plataforma Vecinal de Lluces pa falar de la situación de la rasa costera amenazada por un gran proyectu de construcción 300 viviendes y un campu de golf promovíu pol grupu  Masaveu, nunos dos millones de metros  que la mayor parte según aseguren los vecinos son terrenos comunales.

Jesús Iglesias, candidatu a la presidencia del Principáu d’IX-BA-Los Verdes  recordó a los vecinos que nos últimos años el crecimientu español tuvo como base la construcción y la especulación arrasó zones bien grandes, sobre too de la costa del Mediterráneu. Agora, cuando la zona mediterránea ya nun tien más qu’esmucir, queda “esplotar la costa cantábrica”, como yá pasó en zones de Cantabria y País Vasco. N’Asturies cola aprobación del POLA –una medida insuficiente-  y les males comunicaciones “esta amenaza” nun llegó na mesma proporción, pero empiecen a notase los efectos. Nestos momentos, cola construcción de l’autovía del Cantábricu, anque con retrasos, “l’apetitu especulatoriu empieza a facer estos planteamientos urbanísticos”, esplicó Iglesias a una treintena de vecinos de Lluces aconceyaos na Cámara Agraria.

L’empeñu de los empresarios de la construcción ta alcontrándose, a xuiciu de Iglesias, con interlocutores bien débiles, los Conceyos que tienen poca financiación y escasa fuerza énte promotores privaos que garanticen el dineru de les llicencies y la construcción d’equipamientos públicos, llámense piscines, polideportivos o otru tipu d’instalaciones. “Estes compensaciones son les migayes del pastel y el beneficiu real nun recai  nos vecinos ni nos Conceyos, sinón que queda en manes del gran promotor”, dixo Iglesias. El Coordinador Xeneral d’IX abogó pola reforma de la financiación municipal pa que los Conceyos nun empiecen esta “carrera escomanada de la construcción” que pue llevar a que nos próximos diez años, si salen aprobaos los proyectos de  Planes d’Ordenación Urbana que tán en marcha, Asturies pueda tener ente 50.000 y 60.000 viviendes más, principalmente nes zones de costa, cases y pisos que van destinase principalmente a segundes residencies y van suponer un mayor incrementu de costes pa los conceyos que van tener que sufragar gastos de saneamientu, agua, basura y servicios tol añu pa unos habitantes que solo pasarán ellí fines de selmana o vacaciones.

Jesús Iglesias mostró’l so apoyu a los vecinos de Lluces y recordó que n’Asturies les nueves construcciones tienen de facese na contorna de los núcleos rurales yá consoldaos y respetando les normes d’impactu ambiental y paisaxísticu. “La nuestra respuesta y contestación va ser la más firme, máxime teniendo en cuenta que nesti casu, les actuaciones pretenden facese en terrenos comunales”.

IX d’Asturies va dar l’apoyu xurídicu pa la defensa d’estos planteamientos, col apoyu de los vecinos y l’ayuda de les ferramientes qu’ofrez la llexislación actual, tanto dende los periodos d’información pública y les alegaciones, como en cada procesu d’análisis ambiental que va pareyu a los procesos de recalificación mentaos anteriormente.