Menu

Izquierda Xunida d’Asturies cellebró, en Castrillón, el Día Internacional de la Muyer Trabayadores cola presencia de Presentación Urán, Secretaria d’Igualdá d’IX federal; Montserrat Muñoz, alcaldesa de San Fernando de Henares; Ángela Vallina, candidata d’IX a l’alcaldía de Castrillón y Jesús Iglesias, Coordinador Xeneral d’Izquierda , amás d’otres candidates d’Izquierda Xunida.

Izquierda Xunida d’Asturies cellebró, en Castrillón, el Día Internacional de la Muyer Trabayadores cola presencia de Presentación Urán, Secretaria d’Igualdá d’IX federal; Montserrat Muñoz, alcaldesa de San Fernando de Henares; Ángela Vallina, candidata d’IX a l’alcaldía de Castrillón y Jesús Iglesias, Coordinador Xeneral d’Izquierda , amás d’otres candidates d’Izquierda Xunida.
            Nesti actu púnsose de relieve la necesidá d’avanzar nes polítiques d’igualdá porque anque yá se recorrió una parte del camín, la igualdá real ente homes y muyeres entovía ta lloñe y son munchos los exemplos davezu que corroboren estes diferencies, estremos que tamién distinguen les polítiques de los partíos.
            Ángela Vallina, candidata d’IX de Castrillón, recordó a les 14 víctimes de la violencia de xéneru de los dos primeros meses del añu y a les 68 muyeres que l’añu pasáu fueron asesinaes poles sos pareyes n’actos que puen ser consideraos “actos de terrorismu hacia les muyeres”. Vallina tamién denunció la inesistencia d’una política de la Muyer por parte del Partíu Popular, partíu que gobierna nel Conceyu de Castrillón, y la diferente concepción de les polítiques empobinaes a la muyer. Nel PP de Castrillón estes polítiques consisten en facer cursos de maquillaxe, aseguró Vallina. “Eses nun son les polítiques de muyer qu’entiende IX”, afitó la candidata local.
            Montserrat Muñoz, alcaldesa de San Fernando de Henares, puso l’acentu na defensa de les polítiques d’igualdá tresversales que realizó IX dende los conceyos que gobierna –Córdoba, San Fernando de Henares, Rivasmadrid, ente otros- y na importancia de les administraciones locales como instituciones más averaes a la ciudadanía. Del mesmu mou, recordó que fueron gobiernos d’IX los primeros en poner, nel ámbitu municipal, polítiques empobinaes a la llucha contra la violencia de xéneru, la conciliación de la vida llaboral y polítiques d’empléu que garanticen la igualdá. Montserrat Muñoz defendió que nun esiste una sociedá digna si nun se garantiza la igualdá y nesti sen aseguró qu’IX defende un modeu social diferente dende la so fundación, un modelu nel que la igualdá y la dignidá son derechos que “defendemos con absoluta claridá”. Ye necesario, al so xuiciu, erradicar la violencia de xéneru per tamién avanzar n’educación y cultura, na prevención y defensa de les víctimes y en crear un modelu social diferente.
            Presentación Urán, secretaria d’Igualdá d’IX federal incidió tamién na necesidá de facer polítiques tresversales y en facer visibles a les muyeres na toma de decisiones. “IX cree nes polítiques d’igualdá y les pon en práctica. Con IX ye posible avanzar” aseguró Urán. La secretaria d’Igualdá aseguró que la violencia de xéneru ye un gran problema pa la muyer, pero non l’únicu yá que tamién hai qu’añadir la falta d’independencia económica de munches muyeres. Les muyeres tienen empleos precarios, son elles les que tienen sueldos un 40% inferiores a los homes anque desendolquen el mesmu puestu de trabayu y la sociedá sigue manteniendo la discriminación.
            Presentación Urán tamién recordó qu’un añu depués de la presentación por parte del PSOE de la Llei d’Igualdá entovía nun s’aprobó y que les muyeres siguen ocupando puestos en servicios y educación y non n’ámbitos como la planificación urbanística y el desendolcu de servicios a los ciudadanos.
           
            Jesús Iglesias, Coordinador Xeneral d’IX d’Asturies, comprometióse a avanzar na puesta en funcionamientu de medíes contra la violencia familiar y na creación de diferentes planes de promoción d’empléu femenín cola fin d’atayar la desigualdá llaboral. El Coordinador Xeneral d’IX, eloxó l’aplicación de la Llei de Dependencia, de la que la so aplicación va entamar n’abril, abogó porque la la so puesta en marcha se faga colos fondos afayadizos pa les alministraciones tengan medios p’atender a los sos mayores y el cuidáu de les persones dependientes nun se recaiga ,otra vuelta, nes muyeres de la familia. “Les administraciones tiene que poner medios humanos y materiales pa que les muyeres tengan vida propio y que cola Llei nun se conviertan en muyeres dependientes que tienen qu’atender a persones dependientes”.