Menu

Jesús Iglesias, Coordinador Xeneral d’Izquierda Xunida d’Asturies, adelantó ayeri nel Ateneo Jovellanos de Xixón, la so visión d’Asturies, dientro del ciclo de conferencies qu’ufren los principales llíderes políticos baxo’l títulu “Asturies y el so futuru”. Proposiciones pa una comunidá desarrollada”.

Jesús Iglesias, Coordinador Xeneral d’Izquierda Xunida d’Asturies, adelantó ayeri nel Ateneo Jovellanos de Xixón, la so visión d’Asturies, dientro del ciclo de conferencies qu’ufren los principales llíderes políticos baxo’l títulu “Asturies y el so futuru”.
Proposiciones pa una comunidá desarrollada”.
            La visión de la comunidá autónoma qu’ayeri esbozó Jesús Iglesias ye la d’un panorama compartíu con más fuerces polítiques, col Bloque por Asturies y Los Verdes, una coalición p’afrontar el gran retu de les elecciones municipales y autonómiques, un proyectu que suma más apoyos depués de cuatro años nos qu’IX y el BA participaron nun gobiernu de la esquierda plural.
            El proyectu políticu col qu’afronta los comicios electorales esta coalición revindica’l conceptu de ciudadanía asturiaan, el desendolcu de la economía –teniendo en cuenta al ciudadanu a la hora de les grandes decisiones ya impidiendo que desapaezan les empreses ensin ufrir explicaciones-, la estabilidá frente a la precariedá en tolos órdenes, la defensa de los servicios públicos, l’accesu a la vivienda, les prestaciones sociales y la sostenibilidá. Del mesmu mou, Jesús Iglesias proclamó la necesidá d’algamar un nivel d’autogobiernu afauadizu a través de la reforma del Estatuto d’Autonomía. “La mayor frustración d’esta llexislatura foi nun tener un nuevu Estatutu y ser simples espectadores de los procesos que llevaron a otres autonomías a algamar mayores niveles d’autogobiernu”, dixo Jesús Iglesias nel Ateneo Jovellanos. Iglesias reclamó tamién que nel nuevu Estatuto tien d’esistir la garantía de financiación afayadiza conforme a un modelu de solidariedá que tien que dir complementando con un sistema fiscal que defenda los impuestos directos pa que quién más tenga, pague más.
                El Coordinador d’IX d’Asturies recordó en Xixón qu’el partíu demostró durante esta llexislatura les posibilidaes de paracticar la solidariedá, entendía como meyora y defensa de los servicios públicos y como medra de les prestaciones sociales, ensin qu’esto suponga poner en riesgo la economía. “Demostrámoslo col Salariu Social y vamoslo facer cola puesta en marcha de la Llei de Dependencia” sobrayó Jesús Iglesias