Menu

El voceru de Convocatoria por Asturies, Xabel Vegas, esixó güei que se refuercen los mecanismos de prevención para embrivir los riesgos d'accidentes

El voceru de Convocatoria por Asturies, Xabel Vegas, esixó güei que se refuercen los mecanismos de prevención para embrivir los riesgos d'accidentes como'l que la pasada selmana acabó cola vida de dos mineros en Veiga de Rengos (Cangas). Y ye que, según el diputáu, "nun ye posible qu'en plenu sieglu XXI, cuando precisamente yá n'Asturies les instalaciones mineres de carbón son prácticamente residuales, nun ye posible que muerran nun solu añu siete mineros".

Vegas recordó que yá nel accidente de Zarréu (Degaña) el so grupu esixó la paralización cautelar de toles instalaciones con permisos d'investigación complementarios y defendió qu'aquella decisión —bien criticada por dellos grupos parlamentarios— “foi bien oportuna para evaluar les midíes de seguridá, les midíes de prevención de riesgos llaborales”. Y ye que la prevención ye la única vía frente a los accidentes, inclusive anque estos puedan producise de forma incamentable. Ello ye que señaló, el día anterior al accidente de la mina de Veiga de Rengos, realizárase una inspección na instalación, xusto nel mesmu sitiu onde se produció'l derrumbe. Por eso, defendió, "cuando ponemos el focu na necesidá d'aumentar los mecanismos de prevención de siniestralidá nes instalaciones mineres, funcionen. Y hai que dir más allá y amás espero que'l dictame de la comisión de Zarréu vaya nel sentíu de poner enriba de la mesa más midíes de fiscalización y de vixilancia d'estes instalaciones mineres", especialmente, concluyó, d'aquelles que la so trayectoria ye más dudosa