Menu

El voceru parlamentariu de Convocatoria por Asturies destaca la necesidá d'un sistema que reconoza los mayores costos de prestación de servicios nel Principáu

El voceru parlamentariu de Convocatoria por Asturies, Xabel Vegas, llamó güei a avanzar escontra l'harmonización fiscal ente comunidaes autónomes tres la xunta de la Mesa de Financiamientu, convocada pol Conseyeru de Facienda, Guillermo Peláez. Sía que non, el diputáu defendió la necesidá de que s'atiendan les especiales característiques d'Asturies pa poder asegurar el fayadizu financiamientu de los recursos y prestaciones a la ciudadanía. "Dende Convocatoria por Asturies, vamos siguir apuntando escontra la necesidá d'oldear les polítiques fiscales de toles comunidaes autónomes, d'esa harmonización fiscal que ye tan importante pa evitar la competencia deslleal de comunidaes autónomes como la de Madrid, que rebaxen impuestos al empar que lu reclamen a Pá Estáu aquello que dexen de recaldar". Al pie de ello, añedió, ye necesariu conocer los detalles del nuevu modelu, y especialmente "tolo que tien que ver con esi criteriu de población afecha que ye tan importante pa una comunidá autónoma como Asturies, con un avieyamientu de la población bien acusáu y con una orografía bien particular que fai que los servicios públicos sían entá más costosos".

Sía que non, Vegas hai valordado positivamente la xunta caltenida con Guillermo Peláez, nel marcu de la Mesa de Financiamientu, y qu'axuntó a los voceros de los grupos parlamentarios de la Xunta Xeneral del Principáu coles mires de treslladar la información derivada del últimu Conseyu de Política Fiscal y Financiera y les meyores sobro la futura reforma del modelu de financiamientu autonómicu. "La ministra de Facienda anunció que tán peracabando un nuevu modelu de financiamientu autonómicu pa les 15 comunidaes del réxime común, un modelu que va aumentar los recursos de los que disponemos pa financiar los servicios públicos, y eso creemos que ye xuna magnífica noticia", señaló.

Esi cambéu nel modelu de financiamientu ye, a xuiciu del voceru de Convocatoria por Asturies, "descomanadamente necesariu" y tien de responder al consensu esistente na Xunta Xeneral en redol a los principios mínimos que tien de cumplir la reforma: "Afortunadamente, los grupos parlamentarios democráticos y pluralistes de la Xunta Xeneral del Principáu tenemos un alcuerdu de mínimos que yo creo que ye bien importante, que ye la guía a siguir pa tener esi financiamientu de los nuesos servicios públicos que tanto precisamos, que s'axuste al costu de los mesmos y que sía, de verdá, tan importante y tan necesaria pa los asturianos y les asturianes".