Menu

La diputada d'IX Convocatoria por Asturies destaca l'impulsu a la vivienda a preciu algamadizu que van dexar unes cuentes tamién con cifres récord n'inversión social y servicios públicos

La diputada d'IX Convocatoria por Asturies, Delia Campomanes, aseguró güei que los presupuestos d'Asturies para 2026 son muncho más qu'unes cuentes, yá que, ello ye que suponen "un mensaxe d'estabilidá, de compromisu social y de proyectu de futuru",  que van dexar la puesta en marcha de polítiques clave pa meyorar la vida de la ciudadanía asturiana. Asina, destacó, llógrense cifres récord n'inversión social, servicios públicos y vivienda, unu de les exes prioritaries del Gobiernu para 2026.

Campomanes empecipió la so intervención pidiendo esculpes pol erru procedimental qu'obligó a enllargar el trámite parlamentariu hasta'l día de Nuechevieya, sorrayando que se trató de “un erru humanu” yá iguáu que “nun alteria la realidá democrática, nun modifica la mayoría progresista de la Cámara nin camuda la voluntá mayoritaria espresada pola ciudadanía asturiana”. Nesti sentíu, aprofió que “hai presupuestos y a tiempu”.
La diputada sollertó del intentu de les dereches de instrumentalizar esi erru coles mires de dexar a Asturies ensin presupuestos, señalando que nun se trata d'una anécdota, sinón de “un síntoma” d'una deriva que sustitúi l'alderique políticu pol oportunismu.

Entrando nel conteníu de les cuentes, Campomanes defendió que los Presupuestos de 2026 preséntanse nun momentu decisivu de la llexislatura y reflexen el cumplimientu del Alcuerdu de Gobiernu ente Convocatoria por Asturies y la Federación Socialista Asturiana. Xunas cuentes qu'algamen cifras récord de 6.993 millones d'euros, con una crecedera del 4,9% respectu al exerciciu anterior, y que destinen más de dos tercios del gastu total —4.637 millones— a inversión social en sanidá, educación, protección social y, de forma destacada, a vivienda, “blindando'l corazón social de l'acción de gobiernu”.

Según esplicó, esti esfuerzu sostiense gracies a xuna política fiscal progresiva y dexa caltener un nivel d'inversión pública ensin precedentes, inclusive col amenorgamientu de fondos europeos estraordinarios. “Dende l'entamu de la llexislatura, y gracies a la nuesa presencia, el Gobiernu de coalición marcó un aldu inequívocamente d'esquierdes”, afirmó.

Vivienda como prioridá

Pero si hai xuna política que define esta llexislatura, remarcó Campomanes, ye la de vivienda, con 187 millones previstos (30 más qu'en 2025) pa la construcción de 1.000 pisos y la llicitación d'otros 500, que van dexar siguir ampliando'l parque públicu de vivienda algamadiza pa la clase trabayadora n'Asturies. Amás, añedió la parllamentaria, estes cuentes dexen claro que les polítiques de vivienda encetar dende un cambéu de modelu: "col mio compañeru Ovidio Zapico al mandu de la Conseyería, pasamos d'un enfoque subsidiario, nel que l'Alministración como muncho llindábase a intentar correxir 'disfunciones' del mercáu, a un enfoque proactivo nel que Asturies ponse a sí mesma como protagonista na creación de parque públicu de vivienda, concebida como un derechu y non como xuna mercancía".

Asina, siguió Delia Campomanes, "dende Convocatoria por Asturies consideramos imprescindible esti enfoque si queremos que'l derechu a la vivienda dexe de ser xuna declaración pa convertise nuna realidá, pa la xente nuevo, pa les families trabayadores y pa los territorios que tán perdiendo población. La emerxencia habitacional que tamos careciendo nesti país debese a munchos años de inacción dende lo público y munchos años d'unes polítiques de vivienda al serviciu de los especuladores. Y pasó lo que pasa siempres nestos casos: muncha xente ensin casa y munches cases ensin xente. Les polítiques de vivienda de la nuesa Conseyería y de esti gobiernu camuden radicalmente esi enfoque".

La diputada sorrayó de forma especial el refuerzu de los servicios públicos esenciales sobremanera la sanidá, con un impulsu a la salú mental y a l'atención primaria, qu'algama per primer vegada'l 25% del total de la inversión sanitaria. Recordó qu'Asturies lidera'l gastu sanitariu per cápita nel conxuntu del Estáu y ye xuna de les comunidaes que mayor porcentaxe del so presupuestu destina a sanidá, frutu —dixo— d'una decisión política clara de blindar el sistema públicu frente a la privatización.

Frente a les enmiendes de la derecha, Campumanes criticó lo que definió de demagoxa fiscal,  de la qu'alvirtió de que les baxaes d'impuestos a les rentes altes conducen al deterioru de los servicios públicos, tal que ta asocediendo en comunidaes como Andalucía o Madrid, onde se retayen prestaciones de la que s'ufierten regalos fiscales a los estratos poblacionales más ricos, amontando la desigualdá.

Delia Campumanes aportunó nel apueste decidíu de Convocatoria por Asturies pola universidá pública, y destacó la meyora nel pactu ‘Asturies Educa’, la incorporación de los másteres al procesu de gratuidá universitaria, el refuerzu de la rede de escuelines y del tresporte escolar, según la medría de partíes en cuidos, dependencia ya infancia. 

Pero estes cuentes, resaltó la parllamentaria, son tamién un refuerzu pal desenvolvimientu asturianu, con una inversión granible  que supera per primer vegada los 1.000 millones d'euros.

Campomanes faló tamién del compromisu del presupuestu cola solidaridá internacional, con una partida de 100.000 euros destinada a la reconstrucción de vivienda en Gaza pa muyeres, infancia y persones con discapacidá, según l'aumentu de les partíes de memoria democrática, cooperación y municipalismo.

La diputada concluyó señalando que los Presupuestos de 2026 “nun son solo los d'un añu”, sinón “un mensaxe d'estabilidá, de compromisu social y de proyectu de futuru”, reafitando que Convocatoria por Asturies va sofitar estes cuentes y va votar en contra de les enmiendes de la derecha por considerar que pretenden desfigurarlas".